居屋唔合資格 私樓又負擔唔起 首置上車盤幾時再推出?

2022.02.27

居屋2022即將開售,唔少打算買樓上車人士固然已經做足準備去申請,不過如果閣下嘅收入又超過咗居屋白表申請人嘅要求,但又負擔唔起市面私樓樓價嘅話,其實可以留意一下市區重建局嘅港人首次置業計劃,究竟個計劃係點?下次又幾時有新盤推出呢?

買入首5年唔可以轉售
港人首次置業計劃又稱港人首置上車盤,是為無法負擔購買私人住宅、但又唔合資格購買居屋且未曾擁有物業嘅香港市民,提供低於市價的住宅物業。至於由請資格,係申請人要從未曾在香港擁有任何住宅物業,同時年滿18歲、喺香港居住滿7年嘅香港永久性居民。同時,申請人須符合入息及資產限額,限額定於高於居屋白表申請者入息和資產限額的三成。

買家簽訂轉讓契據起計五年內,業主唔能夠將物業出售,首五年過後,業主可申請補價後出售或轉讓。買家未向市建局補價前,唔可以將住宅單位出售、轉讓、按揭、抵押或分租。

首置上車盤是為買唔起私樓、但又唔合資格購買居屋嘅香港市民上車買樓。

煥然懿居二期明年開售
首個首置上車盤,係2019年初以市價約7折出售嘅紅磡「煥然懿居」,單位面積由260至507平方呎,實用呎價11,690至13,970元,售價為314至661萬元。「煥然懿居」仲係是首個採用市建局新引入「智慧樓宇」建築標準嘅屋苑,每個單位入面配有平板電腦,以預訂會所設施、查看閉路電視,監察屋內煤氣用量等。

2019年發售嘅紅磡「煥然懿居」,單位面積由260至507平方呎。

煥然懿居設有小型會所及兒童遊樂設施。

煥然懿居係首個市建局引入「智慧樓宇」嘅屋苑,每個單位入面配有平板電腦,以預訂會所設施等。

至於未來嘅首置上車盤就係位於紅磡春田街同崇志街交界嘅煥然懿居二期,大約有260個單位,市建局計劃提早至2023年發售。另一個為將會推出嘅港人首置上車盤,就係大坑西新邨重建計劃,當中大約有2,000個單位會撥作首置上車盤發售,預料2028年完成,最快2026年推售。而位於觀塘安達臣道一幅由長實投得嘅地皮,亦預計有1,000個單位會撥作首置上車盤發售。

煥然懿居二期位於紅磡春田街同崇志街交界,預計2023年發售。

大坑西新邨重建計劃,當中大約有2,000個單位會撥作首置上車盤發售,預料2028年完成,最快2026年推售。

text/Joyce
photo/HKET圖片庫

========

同場加映

【蝸居睇樓團】觀塘自置公屋工業風+現代感 : 紅磚特色牆、輕奢風浴廁

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章