黃翠如自認契媽認洪永城囡囡Amber做契女 被8字請食檸檬再遭網民嘲:睇吓人哋老婆臉色先

文: 羅志宏
2022.03.02

黃翠如與洪永城這一對最佳拍檔,各自與另一半結婚後,都鮮見兩人在螢幕前露面打鬧。日前,黃翠如與老公蕭正楠、洪永城與老婆梁諾妍就一起開Facetime見面,而翠如事後更在IG社交平台上自認契媽,認了洪永城囡囡Amber做契女,洪永城就搞笑回應想請食檸檬。不過,一眾網民似乎覺得翠如又做多咗!

洪永城與老婆梁諾妍自2021年底誕下囡囡Amber後,一家三口幸福滿溢;而身為「好兄弟」的黃翠如日前就在IG上自認做Amber的契媽,並寫道:「Sweet moments. 我契女,棉花糖一樣,好想抱」,隨後洪永城就回敬:「你點可以單方面宣布㗎,你有冇問過amber.... 不過有你呢對契爺契媽都有着數嘅」,再以8字請食檸檬:「我考慮吓遲啲覆你」,相當搞笑。

至於洪永城的老婆梁諾妍看著兩人的互動,都有一併留言:「洪寶寶:契媽抱抱♥」,翠如就覆:「救命,我衝嚟你屋企㗎喇」,更對洪永城說:「你老婆話好呀」。見到這一番互動,有網民表示兩人「友達」關係令人感動;但亦有人暗嘲翠如「又做多咗」、「睇吓人哋老婆臉色先」、「呢啲係咪Green Tea…」,引起熱議。

其實,黃翠如與洪永城由有線時期,一同過檔到TVB拍住上,是近年較深刻的幕前「最佳拍檔」,網上更曾經以「有一種關係叫黃翠如與洪永城」為題而引起熱話,兩人深厚的友誼連大眾都不言而喻。

 

圖及來源:IG@黃翠如、洪永城、TVB 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓