居屋開售網民疑團：其實買白居二好定私樓好？
居屋2022開始接受申請，買樓上車始終是人生大事，不少有意申請人士，考慮到自己的財政能力之後，就開始出現很多實際的疑問：其實如果兩者樓價相若的話，究竟買白居二的單位好？還是私樓好呢？大家的想法又如何呢？
有網民在連登討論區提出：「而家啲居屋價錢就嚟追上私樓，如中白居二又值唔值得買？」，引嚟網民熱烈討論。
有網民認為白居二「唔抵」。「唔值，要畀4成首期。」、「果啲天價喎！ 剩係平過私樓少少，又未補地價，又係唔抵。」有網民就覺得其實白居二能選擇的屋苑區域，都未必會是好選擇：「4-5 百萬，又要19年以下樓，有得揀嘅意思係咪即係揀元朗定係梅窩？！」，有人回應：「唔嫌細，仲有長沙灣，新浦崗揀！」，有網民就比較私樓同居屋的售後裝修問題：「居屋質素你預全屋要打晒裝修啦！」
不少白居二的售價已經跟私樓相若，有網民認為唔抵買。
有網民認為比起私樓，購入居屋後要花更大筆裝修費。
白居二樓升值潛力高
不過亦有網民覺得白居二都有優點，值得考慮：「如果買19年以下嘅居屋，可做9成，免壓測。相比私樓要壓測，又點睇？」、「白居二全港居屋任揀，睇啱先買，自由好多。」，有網民就將眼光放遠，想到不少白居二屋苑升值潛力高，今日貴賣，日後有機會可以貴賣。「自住就白居二，半新果啲房屋署擔保免壓測，係就係貴啲，你住幾年賣返出去，都係貴買貴賣。」、「屏欣苑過咗三年就貴一倍真的係！」、「貴買貴賣，你將來換樓賣返比白居二，免壓測果啲樓總有價值係度，尤其是市區嗰啲，但係舊果啲就唔建議買。」
天水圍居屋屏欣苑入伙僅三年多，去年底錄得一宗破頂白居二成交個案，一個570呎單位，一手售價約310萬，現以638萬（未補地價）轉手。
有網民以白居二屋苑地理位置選擇多且免壓力測試，以及日後轉手潛力考慮，認為都值得買。
text/Joyce
photo/HKET圖片庫
========
同場加映
【蝸居睇樓團】闖名人鍾培生5層獨立屋玩Staycation 富豪裝修白色風水好！？
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
