ViuTV新劇《940920》由劉俊謙、蔡思韵、吳海昕主演，最新播出的第二集除了繼續鋪排劇情伏線，交代Yeesa去了作家余家聰的新時空之外，還有張敬軒特別客串出場，成為導演精心準備的彩蛋，飾演作家余家聰的「責任編輯」，這次更是張敬軒久違14年再度拍劇，機會相當難得。
張敬軒驚喜客串飾演作家余家聰的「責任編輯」阿東，甫出場就為劉俊謙送上早餐，吃住早餐說服他為書展寫真集撰寫caption賺外快，還介紹他結識神聖幾何學會。張敬軒以一身斯文造型登場，戴上眼鏡，書卷味十足。
其後張敬軒再度出場，細讀了劉俊謙撰寫的《940920》小說初稿後作出評語，一口氣妙語連珠：「好有懸念，之後呢」、「其實就唔係好睇得明」、「一開頭就94年，之後又跳去2014年，跟住又跳返2013年，喂，啲讀者跟唔跟到呀」、「喂唔係喎，你仲有好多伏筆喎，你解唔解到呀，啲網上連載最憎就係呢啲爛尾故」，更望住鏡頭直接回應觀眾：「唔係呀，啲觀眾鬧㗎」，顯然做了導演羅嘉駿把口，玩味十足。
久違14年再度拍劇的張敬軒，自2008年為TVB拍攝客串《盛裝舞步愛作戰》後，就沒有再現身電視劇，這次成為ViuTV新劇的彩蛋，客串出場5分鐘，就令不少觀眾都相當驚喜。張敬軒表示雖然與劉俊謙初次見面，但因大家有很多共同朋友的圈子，所以劇外都是一見如故。他指因為自己甚少拍劇，所以亦略感緊張，更笑言要向劉俊謙指教。而劉俊謙表示自己本身已十分喜歡張敬軒，更開玩笑指「細細個就係聽佢啲歌大」，所以事前亦十分期待與他首次合作。
圖及來源：劇集截圖
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
