人夫放假約出去滾|袁偉豪剖白曾被笑嫁畀張寶兒唔憂做 自揭一句話表白兼結婚原因與前女友有關

2022.03.10

現年40歲的男藝人袁偉豪,自2007年參選香港先生奪冠入行後,一直備受TVB力捧,至今成為一線男主角。2020年與港姐出身的女藝人張寶兒結婚,成為「三億女婿」,婚後一直被不少網民嘲笑「嫁畀張寶兒唔憂做」。日前,袁偉豪就作客J2台由Bob林盛斌主持的節目《人夫放假約出去滾》,再度開腔談及這段婚姻,以及當初萌生愛火的表白過程。

袁偉豪一提起來老婆張寶兒(Bowie)就滔滔不絕,大讚她「佢每一件事都好真摯」,憶述了2017年飛往非洲拍攝《打工捱世界II》時的心動時刻,當時張寶兒見到袁偉豪在飲咖啡,就說了一句「你都幾似鬼佬㗎喎﹗」令袁偉豪頓覺張寶兒欣賞自己。其後,袁偉豪快馬加鞭,與張寶兒互相試探心意,更用訊息向她表白:「如果你做我背後嘅女人咁會點啊?」惟張寶兒沉默請食檸檬。

完成拍攝返港後,兩人再作了解後終正式開始拍拖,袁偉豪就對張寶兒讚口不絕,表示她非常照顧他和家人。被問到結婚最直接的原因時,袁偉豪就不諱言:「因為我唔想再重複前一段關係發生嘅事」,表示上一段感情正值事業上升時期,本想低調拍拖,惟戀情遭曝光後,不知給知對策,「只能夠講我哋係好朋友」。

到了與張寶兒拍拖時,事業穩定的袁偉豪就選擇人生另一階段,直認「好喇到我認拍拖,甚至介紹:『呢個係我太太』,啲人就比較,話我嗰時唔係咁講,明明上一個好低調,而家呢個就曬恩愛」袁偉豪承自揭花了一段時間擺脫這種鬱結,揚言全靠好老婆張寶兒,「佢係我心靈上可以依靠嘅人,我可以喺佢面前做弱者⋯⋯好多人都話我都嫁咗畀張寶兒,使乜做啫?」讓兩夫妻彼此支撐著。

其實,袁偉豪過往都多次在節目上剖白自己的感情經歷,曾在《兩個小生去Camping》一時感觸重提當時剛剛跟岑杏賢分手,直言當時「人生處於好傷感嘅時間」;曾在《Master's Talk》談及另一半家境富裕的情況,透露自己看到報道會感到不開心及不舒服,坦承:「層樓我唔使供㗎咩?我都要搵錢」,更慶幸夫妻感情未受網民負評影響。

 

圖及來源:節目截圖、IG@袁偉豪


用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章