單身女租屋煩惱 私樓、唐樓同村屋邊樣好?

2022.03.14

想搬出嚟租屋住嘅單身女仔,有無遇過好似呢位網友喺連登討論區提出嘅疑問:究竟應該揀類似日出康城、大約450呎有海景露台嘅新樓?五百餘呎嘅舊式單幢樓或唐樓?定係約600呎連天台或花園、環境開揚但比較舊嘅村屋呢?大家會點樣揀呢?

樓主表示今年準備大學畢業但本身有做開兼職有積蓄及少少投資,租金嘅預算約$20,000,心水地點,新樓就睇過康城Sea to Sky同LP6 都覺得ok,村屋就希望喺西貢區,唐樓同單幢樓就希望港島、九龍或將軍澳。

村屋保安交通成問題
有網民就覺得「村屋連天台好似幾開心」,但好快有人回應「一個女仔住村屋,你小心俾人劫色又劫財!」,連樓主都話「我都有少少驚,但係見地方大啲又平少少,所以有少少吸引」。亦有網民好認真咁分析住村屋嘅交通問題:「呢個時勢住村屋唔養車搵自己笨!自己果度cut到30分鐘一班車,啱啱睇app 299x呢個鐘數都cut 到30分鐘一班!」,「一個人住500呎都好夠住,交通方便緊要好多,尤其一個人住。」

住村屋兼有闊落天台,又真係幾吸引!

但住村屋一定要考慮交通問題,如果無私家車,遇上好像近期巴士縮減班次,的確很麻煩。

有網民就支持住私樓:「女仔自己住,一定係私樓,唐樓三無畀人姦,村屋畀人蝦無人幫,私樓起碼叫有管理處」。但原來租屋住,除咗租金同地點,有自僱網民就試過被業主要求睇糧單。「好多業主要睇埋你糧單……十個九個都要你穩定職業薪高糧準,利申自僱人士,租屋煩過X,試過有業主叫我show埋戶口有幾錢,都痴X線!入正題,住過村屋同私樓,建議都係住私,4-500呎都夠住。」

有網民提出,住唐樓或村屋無管理處,單身女士的人身安全保障度較低。

有業主會要求租客出示糧單,自僱人士租屋要留意。

==================================================
同場加映:【蝸居睇樓團】柴灣37年舊樓型格大變身 大型衣櫃主人套房 實用玄關儲物室


text/Joyce
photo/HKET圖片庫

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章