講到近年香港重點新發展地區，一定會數位於昔日啟德機場的啟德發展區，由郵輪碼頭、新港鐵站到啟德空中花園，日後還陸續有商場及酒店等啟用，新樓盤呎價高達$30,000……不過卻有網民在連登討論區發文，問其他網民「覺唔覺啟德區畀人吹大咗？」，大家又是否覺得啟德區名過於實呢？
發文樓主有以下4 個論點：
1. 成條單軌畀人抽起咗，明顯被政府都唔玩落去，因為已經高價賣曬啲地
2. 大量商用地改做住宅地，已經同CBD（核心商業區）無關係，部分住宅地仲要起埋安老院男童院，根本就變咗基層社區
3. 天環隔離仲要起800間過渡性房屋， 一大班基層進入，社會共融
4. 因為超高溢價買入，租金回報非常之低
還認為「一手The Henley 滯銷，Monaco marine 最好快啲賣咗佢，如果擺到過渡性房屋起好咗， 咁就真係.......」引來網民熱烈回應。有網民好仔細分享啟德區生活感受：
「遊（輪）碼（頭）、運動場、跑道果邊：
交通
1. 無鐵
2.無巴士，只靠綠色小巴，同埋屋苑shuttle
3.唔好再比AA狗呃有輕軌單軌、類似電車果啲，因為九龍灣無位起
商場
1.基座式商場，行親無野食，又無天橋連住
2.好少地方行
3.其實去九龍城 Mikiki 九龍灣megabox都係遠
住
1.多塵
2.日頭放假有啲工程聲
3.條街因為無乜人住有啲靜」
啟德發展區其實佔地甚廣，本來預計區內會有輕軌行走，但計劃於2015年擱置。
位處市區但去邊都要轉車
交通的確是令不少啟德人不滿的地方。「之前仲係咁吹沙中線，但起完條線跟本過唔到海」，「跑道望住對面北角好近，不過要過海一樣要兜返去紅磡/觀塘」雖然立刻有人回應其實「啟德碼頭有渡輪來往北角同觀塘，不過班次唔多，主要係 serve 去郵輪碼頭區公園嘅遊人，將來多咗人住，或就會增加班次吧！」但仍然有人表示不滿「有就係有，不過啲居民要去中環或者鰂魚涌返工，去到北角一樣要行出碼頭轉地鐵，連同站轉乘/一程過嘅車費都做唔到！」
雖然沙中線途經啟德港鐵站，但有網民發現即使日後沙中線第二期完成，要過港島區，原來要轉車，交通並非預期中方便。
講好嘅核心商業區唔見咗
亦有人不滿來自啟德地理位置好兼風景好，之前講到會走檔次稍高的商住區，但事實整個區域規劃「貨不對辦」。「其實根本啟德就變咗大型住宅區，邊度有CBD ？咪講觀塘，九龍灣寫字樓都多過啟德」，「同數碼港一樣，淪為地產項目」，「好似搞startup咁，未搞之前吹到天花龍鳳，搞搞吓搞唔掂就吹另一個project，依家就吹北區」、「公屋+居屋+私人住宅嘅地方，同青衣、長沙灣個堆差唔多」、「中間條長廊都幾靚嘅，但荒地24k 呎價合理，叫到28k 30k 就完全唔合理！」
不過都有網民唱反調：「10年前康城咪一樣畀人睇唔起，又話臭又話無交通無配套，依加咪賺到笑！」
有網民認為啟德區多公屋及居屋，又將會有過渡性房屋，並非如之前宣傳的CBD（核心商業區）。
亦有網民覺得啟德區的環境設計其實不差，但樓價不合理地貴。
text/Joyce
photo/HKET圖片庫
========
同場加映
【蝸居睇樓團】435呎將軍澳舊居屋翻新！打造船上feel/衣帽間＋儲物二合為一
港生活人氣本地熱話
【免費試用🎁】RMK零毛孔素肌底妝系列！
↓☀️夏日必備防曬霜 x 皇牌輕透粉底液！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
