本港第五波疫情嚴峻，政府防疫措施「晚市禁堂食」仍然未放寬，各行各業打工仔都面對「開餐」難關。近日就有網民於FB專頁裡發布帖文，稱見到一名順豐公司速遞員在屋苑公眾範圍內「除罩食飯」，直斥對方影響環境衛生並已作投訴。Bob林盛斌見事就抱不平，在IG上豪言：「佢俾人炒我即刻安排一份工畀佢」。
有網民於FB專頁「小西灣富景花園居民聯絡組」裡出PO，稱見到一名順豐公司速遞員坐在屋苑公眾範圍的廢物分類回收桶旁，以手推車用作飯桌，並除下口罩食飯盒，還拍下相片放上網公審，批評對方「影響環境衛生」、「在這疫情下罔顧他人」，更聲稱已向物業管理公司及保安公司作出投訴。
點擊圖片放大
帖文一出，引起網上很大迴響，而Bob林盛斌都轉發該帖文在IG上為該速遞員抱不平，撰寫長文：「呢段日子，對速遞行業嘅影響非常之大，因為人手不足好多時一個人要做三個人嘅嘢，一日幾萬單確診嘅時候，佢哋仍然辛苦工作，其實我真係好尊重每一位做速遞嘅工作人員」，表示疫情下應該互相包容。
點擊圖片放大
Bob又續寫「你估如果佢有得舒舒服服坐喺餐廳入面食嘢，佢會唔會選擇坐喺個垃圾桶旁邊食呢個飯盒？人哋已經匿喺一個盡量唔影響其他人嘅地方，諗住嗱嗱聲扒埋嗰兩啖飯就繼續送貨送件，然後你影咗佢張相放上網諗住公審再去投訴，其實唔可以話你唔啱，你係有你嘅道理嘅，只不過成件事，好冇同理心，好唔善良」，更豪言：「佢俾人炒我即刻安排一份工畀佢」。
點擊圖片放大
不少藝人都有留言力撐Bob的一番言論，如孫慧雪：「講得啱，佢已經匿埋食飯，仲想佢點！」；吳若希：「啱呀，人係要食飯嘅！呢啲咁嘅環境，大家互相包容吓啦！」而順豐發言人今日（16日）就表示公司方面已慰問該位員工，並不會因此作出任何處分。
點擊圖片放大
圖及來源：IG@BOB
」，
App內睇文同睇片可隨時捕捉U Fun彩蛋，
換領現金券及禮品！
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
【免費送💝】ghd限量冰藍美髮造型夾✨
↓一機兩用 雙效熱風造型！↓
