速遞員被投訴「街邊食飯」Bob林盛斌抱不平 豪言:「佢俾人炒我即刻安排一份工畀佢」

文: 羅志宏
2022.03.16

本港第五波疫情嚴峻,政府防疫措施「晚市禁堂食」仍然未放寬,各行各業打工仔都面對「開餐」難關。近日就有網民於FB專頁裡發布帖文,稱見到一名順豐公司速遞員在屋苑公眾範圍內「除罩食飯」,直斥對方影響環境衛生並已作投訴。Bob林盛斌見事就抱不平,在IG上豪言:「佢俾人炒我即刻安排一份工畀佢」。

有網民於FB專頁「小西灣富景花園居民聯絡組」裡出PO,稱見到一名順豐公司速遞員坐在屋苑公眾範圍的廢物分類回收桶旁,以手推車用作飯桌,並除下口罩食飯盒,還拍下相片放上網公審,批評對方「影響環境衛生」、「在這疫情下罔顧他人」,更聲稱已向物業管理公司及保安公司作出投訴。

帖文一出,引起網上很大迴響,而Bob林盛斌都轉發該帖文在IG上為該速遞員抱不平,撰寫長文:「呢段日子,對速遞行業嘅影響非常之大,因為人手不足好多時一個人要做三個人嘅嘢,一日幾萬單確診嘅時候,佢哋仍然辛苦工作,其實我真係好尊重每一位做速遞嘅工作人員」,表示疫情下應該互相包容。

Bob又續寫「你估如果佢有得舒舒服服坐喺餐廳入面食嘢,佢會唔會選擇坐喺個垃圾桶旁邊食呢個飯盒?人哋已經匿喺一個盡量唔影響其他人嘅地方,諗住嗱嗱聲扒埋嗰兩啖飯就繼續送貨送件,然後你影咗佢張相放上網諗住公審再去投訴,其實唔可以話你唔啱,你係有你嘅道理嘅,只不過成件事,好冇同理心,好唔善良」,更豪言:「佢俾人炒我即刻安排一份工畀佢」。

不少藝人都有留言力撐Bob的一番言論,如孫慧雪:「講得啱,佢已經匿埋食飯,仲想佢點!」;吳若希:「啱呀,人係要食飯嘅!呢啲咁嘅環境,大家互相包容吓啦!」而順豐發言人今日(16日)就表示公司方面已慰問該位員工,並不會因此作出任何處分。

 


圖及來源:IG@BOB



用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓