租客租屋前去單位實地視察，可以看到間隔試到渠口有無淤塞，但周圍的環境有問題，有時在睇樓時卻未必能察覺到。有租客便在連登討論區上抱怨，說明明睇樓時業主說單位相當寧靜，但入住後卻發現單位嘈到「無覺好瞓」！在這情況下，究竟可否投訴業主？
同病相憐網友有共鳴
樓主的情況的確令人困擾：「當初業主話呢度好寧靜，日日好好瞓，點知住左幾個月飽受噪音滋擾冇覺好瞓過！」，噪音來源包括長期不關門的鄰居，母親經常責罵女兒而女兒又大叫……樓上又24小時敲敲打打，傳來跌鎚仔、跌螺絲聲，敲足幾個月無停過……而樓下的五金鋪，24小時打鐵之餘，幾隻狗又是24小時傳來狗吠聲…樓主形容到達「樓上樓下加對面、360度環迴立體噪音」的程度，形容業主根本作出「虛假陳述」，究竟作為租戶有甚麼可以做？
好快就有同處噪音苦海的網民出來分享，「樓主我同你一樣，住我隔離果個好似揸白卡咁，日日同frd打機爆粗講野勁大聲，大聲到係屋企都聽到佢講野，有時仲要播埋啲垃圾kpop震X到成條走廊都聽到。樓上兩個垃圾日日係屋企跳繩，震X曬成間屋，投訴過好X多次，勸又勸過好X多次，住得耐真係好X躁」。
樓主租屋前業主稱單位好靜，但事實樓上時常傳來敲打聲，鄰居不閂門而兩母女又經常爭執，嘈音到達「無覺好瞓」程度。
樓主稱屋企樓下的五金舖，全日廿四小時都不時傳來打鐵聲，又有狗伏聲，十分困擾。
睇樓留耐啲感受環境
網民認為樓主覺得業主「虛假陳述」的論點，不會成立。「感覺嘅嘢點當虛假陳述？佢覺得靜你覺得嘈點拗！」、「窗口出面寧靜，無錯嘅」。
有網民以食花生的態度，建議樓主以毒攻毒式報復。「樓主如果唔想搬，我建議你每日嘈過佢哋，夜晚開大喇叭播歌，日頭就鑽下野，得閒就行出走浪（廊）找住支棍自己同自己講野！記得唔好帶口罩，個個以為你痴線！玩幾日佢哋再嘈就大聲拍門，話：我知你係入面，快啲出嚟！」、「買devialet phantom 1 炸返佢哋！」
認真的網民就建議樓主下次遇到類似事件，應該找管理處投訴甚至報警。但長遠着想，「真係頂唔住咪唯有傾下提早退租囉，點都要俾多啲錢，好過住唔到落去。」、「租約有寫明賠多幾多個月可以提早退，好人啲嘅就賠一個月」、「簽約有無打厘印，無打唔交兩個月租走人！」，但樓主無奈回應：「死約都未過！賠成年，咪玩啦！」網民惟有建議：「下次租屋前，最好係附近留幾個鐘睇下咩環境」，「下次睇樓，平日、閒日，早午晚去附近感受下先！」
網民建議樓主看看租約，不如提早退租。
亦有網民溫馨提示：下次租樓，不妨在不同時段去睇樓，感受清楚附近環境。
text/Joyce
photo/HKET圖片庫
========
同場加映
【蝸居睇樓團】柴灣37年舊樓型格大變身 ! 大型衣櫃主人套房+實用玄關儲物室
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
