東張西望性感女神梁敏巧深夜被變態佬跟蹤 遭不明液體射中小腿:畀嘢射一射然後濕咗

2022.03.17

《東張西望》女主持位位都是女神,早前新加入的梁敏巧(Maggie)一樣憑性感裝束採訪極速上位,但日前就不幸遇上驚險恐怖事。梁敏巧透露凌晨回家的時候,被一位陌生男子跟蹤,更被他用不明液體射濕小腿。事後, Maggie就在社交平台上發文公開經歷,直言相當嘔心。

梁敏巧在IG限時動態上寫道:「凌晨1點幾2點放工,夜晚行返屋企樓下,行樓梯個陣無啦啦Feel到右小腿畀嘢射一射然後濕咗。個心離一離睇吓我係咪踩水氹中雀屎,但又無喎。之後後面有個男仔跑咗走啦,當刻覺得好嘔心到忍唔住留咗眼淚,即刻搵濕紙巾抹」,恐怖經歷仍然心有餘悸。

深夜時分女性獨自回家固然危險,相信Maggie當時就被該名男子一直跟蹤; Maggie事後回應傳媒就透露自己當時收工已經好攰,並未有小心留意有人尾隨,加上當時街道人煙稀少,出於害怕而未有及時追上該名陌生男子。Maggie現在就打算報警處理,雖然現在晚歸會有陰影,但就會打醒精神,兼且準備好防狼器和防狼噴霧。

現年26歲的梁敏巧(Maggie),於2019年參選香港小姐而入行,當年並未有獲得任何獎項,但隨即簽約經理人合約做親生女,兩年多以來就以兒童節目《Think Big天地》的主持工作為主。Maggie於上年正式加入《東張西望》外景主持行列,不時以貼身裝束和緊身上衣出場,性感突圍而出,引起不少話題度,接棒獲封為新任「東張女神」。

 

圖及來源:IG@梁敏巧、TVB

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章