Bob林盛斌與工人姐姐拍片抽水外傭插僱主刻薄 外表神撞樣意外錯重點自嘲餅印似兄妹
近日網上瘋傳一條影片，有一位外傭拍片力數其僱主態度刻薄，以廣東話連珠發炮「你依家試吓請工人，請到咩？中」，引起網民熱議。藝人Bob林盛斌日前就聯同自己的工人姐姐拍片抽水，模仿影片中的外傭，更自嘲與工人姐姐外表似足兄妹，相當搞笑。
Bob林盛斌在IG社交平台上發表影片抽水，由工人姐姐模仿該位外傭，對着鏡頭力數：「係，你係老細，乜都啱晒。工人都係人嚟㗎，唔係機械人，你試吓而家請工人，請唔請到咩」，然後Bob就在後面經過，並一臉嚴肅問她：「咩事呀」。Bob更寫道：「你有咩唔開心咪直接同我講囉……..同埋佢唔係我屋企個姐姐嚟㗎，佢係我阿妹嚟㗎，似唔似樣呀？」見到工人姐姐的外表與Bob一樣面形圓潤，果然是十足餅印似兄妹。
去年8月，Bob一家六日就曾為這位工人姐姐慶祝生日，PO出全家幅合照，相中見到全家人與工人姐姐打成一片，更被網民意外錯重點，指面圓圓、皮膚白晢的工人姐姐似足Bob的親妹妹！
圖及來源：IG@Bob林盛斌
港生活人氣本地熱話
↓勁賞李錦記蠔皇牛肉撈麵↓
↓招牌蠔油醬汁 低脂非油炸麵↓
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
