現年26歲的《全民造星III》亞軍陳葦璇，日前就在IG社交平台上自爆突然休克的經歷，更一度緊急送入ICU加護病房，透露自己夜裡跑步見頭暈，不消一分鐘就陷入休克狀態失去知覺，幸好經療養後就已經轉去普通病房，現已出院返家休息。
陳葦璇於IG限時動態上憶述經過，表示當時是因為「唔係好瞓得着」，「食完晚飯休息咗兩個鐘諗住落街跑步，跑咗十幾分鐘都無事，一路戴住口罩，見熱除咗件風褸（入邊都係長袖衫），再跑咗無一分鐘就開始臉好痕，我心諗應該同之前一樣都係生風癩，所以已經停止跑步折返屋企」，陳葦璇有警覺性回家，其後卻突然暈倒。
點擊圖片放大
陳葦璇續稱：「好快全身都好痕，臉已經開始好腫，我行行吓就開始暈，好彩啱啱男朋友陪我跑，唔夠一分鐘我已經由暈暈哋但行到，變到要瞓喺地下休克狀態，我聽到有幾個人行咗過嚟幫手，但已經睇唔到嘢，唔知自己去咗邊咁，佢好快call咗白車，好快到咗，都好快去咗醫院，唔知係咪因為太凍，我由白車去到醫院都係咁震，醫生幫我打咗針，我開始有番知覺講到嘢，佢話我係敏感性休克，雖然未知敏感原係咩，但啱啱血壓太低要留院觀察，咁大個女第一次去深切治療部。」
其後，陳葦璇再在IG上交代已轉去普通病房，情況好轉了不少，而現在已出院返家休息，並感謝醫護人員照料。
圖及來源：IG@陳葦璇
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
