【居家免費娛樂放送!】黃Viu 5大日韓綜藝推介!

2022.03.28

疫情嚴重,大家都無乜心情周街去,宅在家嘅最佳娛樂唔係煲劇就係睇綜藝,尤其係最受歡迎嘅日綜同韓綜!黃Viu煲劇平台陪伴大家唔少苦悶日子,除咗有劇集,亦有大量日韓綜藝節目俾大家免費睇。而且韓綜嘅上架速度仲好緊貼韓國,可以每星期追睇新集數唔會Out!私心推介5大必睇免費日韓綜藝,除咗窺探一眾日韓明星私底下嘅生活,仲可以發現到佢哋真性情嘅一面!立即睇睇為大家選出嘅黃Viu必睇5大推介!

觀察類綜藝—窺探韓星私底下生活!

韓國喺製作真人Show綜藝方面真係做得相當出色!即使係大咖明星都毫不介意將自己私底下生活赤裸裸咁呈現,甚至會拉埋自己嘅明星好友落水一齊出鏡一齊「赤裸」顯現真我。


推介1:《我家的熊孩子》(逢周日深夜上線)立即睇:https://bit.ly/3u5gStr

主持人每星期會邀請已婚或未婚嘅男、女藝人作為特別MC,同主持申東燁、徐章焄及熊孩子嘅媽媽團,一齊觀察單身孩子嘅生活狀況;了解單身男明星私下相處嘅荒唐趣事。最新集數(280集)最爆笑不可錯過嘅一定係崔始源line。曾經話過Super Junior全部叔叔都好討厭嘅崔始源8歲侄女最近有Update嘅戀愛狀況,聽到崔始源O晒咀,兩叔侄互動對話令人會心微笑。


當然唔少得要取笑一番崔始源嘅幸運曲奇黑歷史(第278集)啦!


推介2:《我獨自生活》(逢周五深夜上線)立即睇:https://bit.ly/3i9qbCS

展現韓國藝人獨居生活,拍攝明星私下真實一面,包括獨家食譜放送同多種生活tips,當然亮點仲有可以一睹明星們嘅豪宅風采啦!節目嘅固定成員不定期變動,亦有來賓作短暫出演。最近嘉賓名單亦相當精彩,有SHINee嘅Key同珉豪、2NE1嘅Sandara Park同CL、WINNER嘅宋旻浩,迷妹們一定要睇!

Key同成員珉豪私底下成日鬧交,睇下佢哋嘅吵架日常都幾好笑 (第434集)

有Baby般不老face嘅Dara,原來廚藝都係BB班,下廚「功架」嚇死CL。

 

搞笑類綜藝—笑到有腹肌系列

成日都話做日本同韓國藝人心臟要相當強大,因為隨時都要預備被人整蠱;仲要有多技能以應付上綜藝時一展身手。以下推介嘅綜藝節目,可以見到明星藝人喺玩遊戲或應付mission之餘,同時發揮其搞笑本色,保證一開嚟睇就會立即笑聲笑聲滿載全屋。


推介3:《惡作劇之王》(現已全套上架)立即睇:https://bit.ly/3u3Mfo7

一直都係人氣高企嘅整蠱藝人節目,每次睇都笑到喊。如果話你知10億日圓嘅彩券中獎係騙局可以有咩反應?沖沖下涼上面冒出鬼你會點?兩個資深女演員突然喺面前嘈交你會唔會做和事佬?

第4集必睇名場面:深田恭子、橋本環奈挑戰,似石頭嘅朱古力OR似朱古力嘅石頭?

第5集必睇名場面:浸完溫泉無衫換,窮途末路全裸逃亡大整蠱!

 

推介4:《認識的哥哥》(逢周六深夜上線)立即睇:https://bit.ly/3KQ3mjM

由姜鎬童、李壽根、金希澈等男星主持嘅固定綜藝,以哥哥高校形式邀請嘉賓作為轉校生登場,每週同嘉賓玩遊戲或對談之中都出現唔同笑料!

出晒名對流行語一竅不通嘅姜鎬童,今集(第319集)竟然成為流行語製造者???

大熱韓劇《衣袖紅鑲邊》宜嬪娘娘李世榮登場!各個主持為咗成為侍奉娘娘嘅宮女展開甄選賽。

 

推介5:《玩甚麼好呢》(逢周六深夜上線)立即睇:https://bit.ly/3KO51qd

節目被喻為係「劉在錫一個人的《無限挑戰》」,主持人有劉在錫、HAHA、鄭埻夏、奉仙、美珠,全部都係搞笑能手。主持們每個星期都會進行唔同新挑戰,例如做新聞主播、歌手、開餐廳等等,過程中笑料百出。

魷魚遊戲梗繼續玩不停!第111集大玩魷魚遊戲Game,精靈嘅美珠扮乜似乜,扮演劉在錫第一時間梗係要門牙露出!

第95集請嚟諧星畫家化身成「何加索 Hacasso」幫各位主持畫肖像畫,特別強調特徵嘅超寫實畫功引發連場笑話:劉在錫變身劉野好撞樣「末日列車那位」、池石鎮鼻子佔全面一半以上嘅肖像果然無負王鼻子稱號。

 

*資料由客戶提供

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章