屯元天?葵青區? 網民熱議:新界邊區最地獄?

文: U Magazine
2022.03.31

隨着近年新發展區及新屋苑落成,愈來愈多人搬去新界區住,但究竟新界哪一區最不好住呢?有網民在連登討論區發帖問「新界邊區最唔好住」,樓主認為「最好住應該係TKO(將軍澳)、沙田、荃灣,交通好,區內配套又好;剩番大西北同大東北 ,邊區最差?」大家又會投那區一票呢?

青衣、天水圍、馬鞍山爭做美食沙漠
有將軍澳居民率先表態:「TKO一啲都唔好住囉!」、「TKO 要留意好潮濕」、「TKO 屋企一日唔開抽濕就濕到瀨尿咁」,而沙田居民表示:「沙田熱X到仆街都叫好住?!」,「我住火炭,咩X都無」。亦有網民支持偏遠區:「錦田,八鄉,新田,米埔,落馬洲一帶」、「大嶼山最唔好,乜都無!」有網民投青衣一票:「青衣,美食沙漠,唔近市中心夜間想食碗糖水都無!」,立刻有身同感受的網民回應:「去葵芳食,但係條小巴隊長到On X」,講到美食沙漠,有人投天水圍一票:「一定,天水圍!又遠、交通又貴、食物又貴、選擇又少!」,但有網民反駁:「食物選擇少?你問過馬鞍山未?至少有壽司狼」。

將軍澳區濕度超高,一向好聞名﹗

青衣居民表示青衣是美食沙漠,想多選擇都要搭小巴去葵芳。

馬鞍山亦是另一聞名的美食沙漠,究竟同青衣比較,冠軍誰屬呢?

上水粉嶺難分勝負
不過似乎鬥得最難分難解的兩大區域,必屬粉嶺及上水。

有網民綜合粉嶺多個缺點:「黨鐵站果堆屋苑無沙田站配套咁豐富,樓齡開始舊,聯和墟果面要駁車,皇后山果堆公營房屋入伙又會加重區內負荷,番工出九龍同香港嘅時間同由大西北出發差唔遠,去機場唔夠新界西果面方便,休憩配套唔夠其他新市鎮多元化」、「粉嶺真係垃圾地方!巴士走線衰,出市區至少45mins-60mins,配套差,乜嘢都冇,得兩間爛X戲院,相反荃灣已經齊章,有壽司郎/一幻/donki/aeon/gu/Uniqlo,只係差咗間muji」,更有人再補插一刀:「連比人笑嘅屯元天都好過佢!」,

但上水朋友立刻出問反問:「問過上水未?一間戲院都無」。

粉嶺居民表示區內配套差,休憩設施少,亦無大型商場,聯和墟去港鐵站也要搭車。

粉嶺及上水的主要交通是東鐵線,萬一有故障,居民會大受影響。

至於連接各區的巴士路線亦選擇少,出市區至少要45分鐘。

稍後皇后山一帶的公屋及居屋陸續入伙,居民估計交通問題將更嚴重。

其他上水網友繼續補充:,「出市區好X耐!返工永遠要用多過其他人時間,上水上巴士,仲要兜入去華明,無半個鐘都去唔到個濕X轉車站,仲要係吐露港塞車」、「雖然有個舊墟,但唔知係咪以前養肥咗業主,就算而家無自由行都吉左間舖算,交通一係行吐露港有排坐出九龍,得兩架車經大欖」

粉嶺及上水居民亦嫌區內購物及飲食店舖選擇極少。

text/Joyce
photo/HKET圖片庫

========

同場加映

【蝸居睇樓團】樂隊主音+室內設計師親自操刀!粉紅色絕配水泥牆、大雲石浴室

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓