美亞娛樂推出免費電影頻道！每日更新 免費任睇超過500套經典港產片
本港疫情持續，為了減低受感染風險，相信唔少人都會選擇留家抗疫。美亞娛樂與TVB共同推出免費YouTube頻道「8號電影院」，提供超過500套經典「港產片」予市民免費任睇，當中包括周潤發《辣手神探》、梁朝偉《聽風者》、《陰陽路》等等，就連方力申、鄧麗欣代表作《獨家試愛》都有，得閒可以揀返套戲睇啦！
早前美亞電影與TVB共同推出免費YouTube頻道「8號電影院」，不單止提供超過500 套經典香港電影，還有70 套由 TVB 獨家製作的電影作品，包括經典動作片、劇情片、喜劇類型都有，全部以正版高清畫質播放。
點擊圖片放大
現時「8號電影院」每日都會上載一部香港電影，目前已上架電影有《辣手神探》、《聽風者》、《愛你愛到殺死你》、《行運一條龍》等，以及公映16周年的《獨家試愛》都有。
點擊圖片放大
另外，「8號電影院」目前亦提供不少驚悚類型電影，包括《人皮燈籠》、《恐怖熱線之大頭怪嬰》、《凶穴來風》等，當中就連香港恐怖片系列經典《陰陽路》系列都有，恐怖片迷記得唔好錯過啦！
8號電影院：>>按此進入<<
港生活人氣娛樂新聞
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
