現年38歲的洪永城，於2020年宣布與33歲的運動女神梁諾妍結婚，其後在婚禮現場報喜老婆已懷孕近4個月，囡囡Amber於同年年尾出世，可愛樣子被指似足爸爸洪永城。榮升湊仔公的人夫洪永城，日前就作客J2台由Bob林盛斌主持的節目《人夫放假約出去滾》，開腔談及這段婚姻，更罕有剖白過往的感情世界，講到前女友曾經「有條刺」，事後唐詩詠就在IG上疑似隔空回應。
洪永城自爆曾惹來前女友懷疑，「嗰時拍拖個女朋友都有少少擔心㗎⋯⋯你哋有冇嘢㗎？」當被問到有否曾經對黃翠如動過男女間的一絲真情時，洪永城就斬釘截鐵表示：「冇！好肯定，真係冇！真係工作夥伴」，坦言「大家都冇呢種感覺，就冇呢種感覺㗎喇！」
外界一直都覺得洪永城與黃翠如患難與共感情要好，洪永城透露以前初入TVB時，曾因某些挫折、某些原因不開心，跟黃翠如連續幾晚講電話，彼此會哭著互相扶持，「你有啲咩事，有我喺度。我將來有啲咩事，你又可以幫助我」。
而近年面對這些輿論壓力時，Bob似意有所指就問了「最好的女朋友」有沒有支持他時，雖然未有指名道姓，但洪永城其中一任前女友就是有「絕世好女友」之稱的唐詩詠，從中引來不少猜測。洪永城就答道：「都有嘅，好緊要嘅，一齊去經歷，不過好可惜，始終好多嘢都有條刺，好難去再修補創傷，繼續行落去，都冇辦法，緣份囉！冇緣份都冇辦法！」
對於疑似躺著也中槍，節目出街引起迴響後，唐詩詠就在IG社交平台上貼出與黃翠如的合照，發文力證好姊妹關係，更以10字真言「一段純真友情，不帶刺的」點明重點，疑似隔空回應前男友洪永城在節目上「好多嘢都有條刺」的言論。唐詩詠與黃翠如就某程度上因為洪永城而走在一起，成為了好姊妹，是圈中難得的知心好閨蜜。
事實上，洪永城與黃翠如由有線時期，一同過檔到TVB拍住上，同樣以拍檔形式主持一系列的旅遊節目。兩人相識逾十年，是近年較深刻的幕前「螢幕情侶」，網上更曾經以「有一種關係叫黃翠如與洪永城」為題而引起熱話，兩人深厚的友達關係，連大眾都不言而喻。2020年，洪永城宣佈與女友結婚，而黃翠如亦以「我愛的人」祝福洪永城。
圖及來源：節目截圖、IG@黃翠如、唐詩詠
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
