毅進學歷夫婦申請公屋入息超標 究竟要份工？定係要間公屋？
截至去年底，公屋輪候時間達6 年，再創22年新高！在樓價持續高企而人工又無加的環境下，難怪不少人認為獲編配公屋「上樓」，就等於中了六合彩頭獎，立即成為人生贏家！但有自稱兩夫婦學歷為「毅進仔」的網民遇上「公屋人生交叉點」：輪候公屋4 年收到信即將要進行入息審查，但家庭入息超標！於是在連登討論區詢問意見：「要份工？定係要間公屋？」大家又會點揀呢？
樓主表示輪候公屋4 年，即將排到收信要審查，而兩夫婦現時薪金連雙糧花紅津貼及OT，月入約50K，現時以約10K租金租住私樓。樓主都預計到今次入息審查一定不能通過，因為入息同資產值都超標！但由於輪候公屋的機制中，若因家庭收入/資產超額被取消，日後如因家庭狀況有所改變，或入息/資產有所調整而再次符合申請資格，房屋署可考慮恢復其申請，但必須在首次被取消後6個月至2年內提出，而樓主就表示想以重審的機會上樓，然後考慮日後買白居二或抽居屋。
樓主現職私人司機，平均月薪約29K，工作壓力細且老闆相當好人，樓主相信若辭職，日後也難以找到可以相比的好工。於是查詢網民意見：究竟是否應該為了符合公屋入息要求而辭工呢？
正輪候公屋的樓主表示現時家庭入息超標，但考慮是否應辭職，以便在重審的時候可以再有機會上樓。
份工好，儲多幾年錢買私樓？
有網民就回應：「份工穩定嘅話，寧願捱多幾年儲首期買樓，好工可遇不可求」、「做私人司機，理論上同老細好熟，唔教你犯法，你叫佢減你人工減到萬5，叫你老婆唔好返工住咪得」，「唔建議辭工， 既然你之後都係想買樓，而你又講兩公婆好好彩先有而家人工，兩年前仲搵緊28K，而家有50K，其實可以直接搵上車盤，唔洗做租租啦。」樓主回應已跟老細商量過，老細不會幫手。同時長遠一點看，「如果抽到居屋畀首期完全唔係問題，私樓就真係搞唔掂。老婆份工唔穩定，加上供樓條路一定唔易行，如果一個唔小心有咗BB就gg，但係住公屋同拎公屋買或抽居屋就一定好有信心無負擔；份工，人工同舒服到我願意幫佢打一世工，但老細都有返咁上下年紀，應該捱唔到去我退休。」
有網民認為既然樓主兩夫婦現時人工不差，又遇到好老闆，不如儲多幾年錢買環境較佳的私樓。
梗係攞咗間公屋先！
亦有網民就覺得值得為間公屋單位，先辭工。「一定辭工！唔講公屋點點點，有綠表已經兩個世界，又可以唞兩年，司機唔驚無工開啦！」、「份工今日幾好幾穩定，將來都會有變數。你自己都講好難搵得返宜家呢個人工，咁就當然拎公屋係優先。」，雖然有網民質疑樓主有條件但放棄買私樓，態度不上進，但亦有網民辯護：「道理你啱，但你細想，司機無進升空間，俾人炒咁點，人工難聽啲講overpaid，有公屋就唔同，可以綠表，租平，唔使管理費，另一邊揾一啲現金出糧/hea工加副業又得，睇你自己有冇上進心嘅姐！至於向上流動，其實自己個代擁有有層樓，已經向上咗，未計佢父母嘅樓同資產呢？住公屋真係慳咗好多使費，點計都升，有啲話就話住私樓，但夾硬上樓，地方細，要供樓仲綁手綁腳。」
但亦有網民認為既然樓主講到其實薪金不穩定，值得暫時犧牲現時工作，選擇公屋。
網民認為有綠表資格買到居屋，日後再轉售，已經賺晒！
text/Joyce
photo/HKET圖片庫
========
同場加映
【蝸居睇樓團】沙田30年舊樓! 簡約風新婚安樂窩 /無地台睡房連工作室套房
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【招募試食員🐱】送Harlow Blend全新貓糧系列！↓
