大家有無試過鄰居爆水管，連自己屋企都搞到一鑊泡呢？！有網民就喺連登討論區求救：同層鄰居屋內爆水管，浸到屋企木地板浸晒水，範圍大仲開始發黑！樓主問如果成個地板換，通常claim唔claim得足？除咗搵裝修師傅報價，仲洗唔洗搵啲政府部門或公正行再睇？而如果因裝修期而需要搬走，額外住屋及傢俬搬運及存倉費有無得claim ，定要自己負責？大家有乜嘢意見呢？
對於呢個情形，網民立刻問樓主：「隔離屋同你有無買家居保？」，「直接敲門問佢有無家居保啦！有嘅話叫佢即刻報保險同俾保險公司聯絡你，無嘅話叫佢準備籌定十幾萬！」，樓主回應：「我唔清楚隔離屋，但自己就冇！」，網友就回：「香港係呢方面好落後，家居保險宣傳又少，佢唔賠你都未必出得佢漲！」
樓主鄰居爆水管，搞到自己屋企水浸，究竟係搵裝修師傅先？定要搵公正行先？
遇上屋企水浸呢類事件，原來有買家居保險會較有保障。
有關Claim保險，網民仲分享經驗：「如果係交樓原裝地板，可以報火險，當然都會計折舊，搵相熟師父幫你。」、「一定claim唔足！保險會話只賠浸黑咗嘅面積，仲要計折舊率，保險無好人！」仲有網民好詳細咁綜合講咗claim保險步驟：
「自己有買家居保
你有買家居保，就claim自己個份，自己家居保險會追隔離屋
自己冇買家居保險
1.通知管理處有單咁嘅嘢，理論上管理處會代通知隔離屋
2.記低所有損失，時序，通知隔離屋要你要裝修翻damage to claim 佢mobilisation cost（可以未有銀碼）
3a.若果隔離屋合作，就list返所有loss同cost俾佢，簡單啲就將所有報價同酒店訂單俾佢，同佢negotiate銀碼
3b.若果隔離屋不合作，就需要聘請測量師，就依個事件造成嘅損失進行估算，再去小額錢債法庭告佢
3c.若果隔離屋有買家居保險，做翻procedure 3a，保險公司會委派公正行過嚟睇，其間咩都唔好搞
4.若果對賠償金額有唔滿意，建議行procedure 3b
可索賠損失一般包括：direct damage、potential damage due to water leakage、repair cost、 mobilisation cost due to repair、expert ，一般，保險公司會賠得少過你實際支出，所以睇你自己點睇，唔滿意就small claim，最後，成個過程文件係好重要，時序，相片，記錄，缺一不可，同埋建議你，係成單嘢係保險公司/專業人士到之前，就咩都唔好整住，因為啲人成日都會話，係你搞到，所以xxxxxx，同埋計唔到個damage，成個過程，你預快嘅1-3個月，慢嘅就1.5年」
若果自己無買家居保險，記得要將所有細節影相或者用文字記低，以便向對方索償。
據網民經驗，一般保險公司嘅賠償會少過實際維修嘅費用，而且整個索償過程可能需時經年。
text/Joyce
photo/HKET圖片庫
========
同場加映
【蝸居睇樓團】沙田30年舊樓! 簡約風新婚安樂窩 /無地台睡房連工作室套房
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
