夫婦想買650萬樓 買港島舊樓好?定元朗新樓好?

2022.04.11

近期樓價稍跌,好多年輕夫婦都想趁機上車置業,有夫婦就喺連登討論區問網民意見,指兩夫婦喺尖沙咀返工,未有但計劃會生小朋友,預算買約650萬嘅樓,咁樣嘅情形下,應該買港島區嘅新舊樓?定係元朗區嘅新樓好呢?大家又點樣揀呢?

對於實際情況同喺呢兩區有邊啲心水樓,樓主補充:「唔係有幾百萬喺手,係只係最盡買得起650萬……睇緊堅尼地城320呎, 30年樓,5分鐘到地鐵站,同元朗尚豪庭 353呎,10年樓,15分鐘去元朗站。考慮因素:港島長遠比較保值同抗跌力高?舊式間隔四四方方……元朗就感覺冇咁舊,但低層」。

港島區配套校網完勝
有網民就支持揀港島舊樓:「港島啦,出入都方便啲」、「一定堅尼地城啦!全港島接近最方便,仲要近海,食完落去下行不知幾爽,之前住過幾年」、「校網/醫院/交通都係港島完勝」、「元朗多人到爆,疫情前禮拜日日大馬路打交,你自己諗」、「有小朋友嘅話最終都係要搬番出市區」

樓主心儀嘅港島舊樓盤,就係喺堅尼地城。

堅尼地城除咗交通方便,校網內名校林立亦係一大賣點。

元朗升值潛力高
但一講到長遠問題,例如單位升值潛力同日後換樓,好多網民都贊成揀元朗。「港島好方便,但650萬呢口價嘅舊樓基本上冇升值潛力,唔啱你呢類想生小朋友,未來要考慮細換大嘅買家」、「同意!元朗會升值快過港島,過去5年,你望下600萬樓的升幅,港島慢好多」,利申住過40年樓齡港島舊樓嘅網民分享:「港島舊樓升幅真係好少,同埋單幢舊樓唔易放,如果要買,買返屋苑,仲要諗埋大廈維修費,同裝修費」。

當然仲有網民有其他提議:「點解唔買九龍,一定要港島/元朗?」、「650(萬) 九龍應該買到400呎,都係30年樓」、「搵日試吓放工計吓由公司去到堅城/元朗嘅時間,慳返嘅時間係自己,如果單程差30分鐘以上,已經好大分別」、「為小朋友,揀港島舊樓;為自己銀包,揀元朗新樓」。

雖然出市區車程較遠,假日又擠迫,但好多網民都支持樓主揀元朗樓。

元朗樓盤較新,升值潛力會好過港島舊樓,日後放盤亦相對易啲。

text/Joyce
photo/HKET圖片庫

========

同場加映

【蝸居睇樓團】338呎日式簡約二人世界 36萬搞掂!互動開放式廚房 榻榻米地台書房

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章