有人認為舊樓林立嘅大角咀，屬於舊區，配套唔算好，唔係置業會考慮嘅地區；但亦有人覺得奧運站上蓋嘅屋苑交通方便有海景，絕對係值得入手嘅優質樓，有網民就喺在連登討論區提出「奧運站附近物業算唔算真中產區？冇公屋、有大商場、自成一角、近海、有office eg hsbc boc、10mins到中環」，大家同唔同意呢？
奧運站海面好臭？
有網民即刻反駁：「海富苑唔係有公屋咩？」、「對住大角咀，好多舊樓，而且正對面咪公屋囉！」、「漏水樓，垃圾！」、「Too old」。
但最引起熱議，竟然係網民指奧運站一帶嘅海有臭味！「個海勁臭，戴住口罩都作嘔！」，網民更將奧運站同荃灣西嘅海面臭味比較！「荃西臭D定奧運臭D？奧運個邊避風塘死水味同機油味！避風塘死水味，其實銅鑼灣、土瓜灣、屯門青山灣等都去過，大家差別不大。荃西個面屎坑味？」、「咁呢個真！荃灣西未行到海邊已經聞到臭！」
大角咀海富苑係油尖旺區唯一包含咗公共屋邨及可租可買計劃單位嘅屋苑。
有網民表示奧運站對出海面有臭味，大家有無同感？
大角咀區多舊樓。
奧運站樓價未來唔會大跌？
但亦有網民認為大角咀其實有唔少優點：「大角咀食街」、「奧運根本就係清泉，近旺角但係啲人流唔會帶入去，位於九龍核心地帶，交通方便，不過主要倚賴小巴，周圍都多嘢食，近舊區配套亦都比較平民化，不過樓價已經反映咗佢嘅價值」。
有網民就認為呢一刻嘅奧運站樓盤係物有所值，但唔睇好長遠潛力。「講真，講全香港嘅鐵路盤，除咗九龍站，我都諗唔到有邊個鐵路商場盤係依一刻係好過佢。奧運站就似一個24-26歲女人咁，係青春同成熟之間最有味道嘅年份，所謂『夕陽無限好』。奧運係九龍地段，同新界個啲無得比，本身重要去香港站同機場都快。而且所有嘢一早起好曬，設施包羅萬有。尺價真係反映晒質素。但係夕陽過後係黃昏，過多十年。當啲啟德同黃竹坑依啲『後生女』成熟咗個時，就會比下去。而奧運又唔似九龍塘，中西區有名校射住。遲吓就會好似太古城杏花村咁樣，慢慢脫離中產依個名字。」
但隨即有網民反駁：「奧運是金融附屬區，直通IFC、ICC 再駁離島，機場同港珠澳，你要學區不如去紅磡。樓價唔大升都唔會大跌，2021年高位奧運平均都升得10%到，荃西同將軍澳升成20%，但跌到現在平均都得2%，你睇其他地方跌幾多，交通網同其他區無得比，所以唔會變杏花村」。
奧運站有大型商場，大角咀亦多平民食肆，但又唔似旺角咁煩囂，有網民覺得係大賣點。
奧運站去中環或者機場都方便，係網民認為奧運站上蓋物業唔會大跌價嘅原因。
有網民認為現時奧運站上蓋物業，CP值僅次於九龍站。
text/Joyce
photo/HKET圖片庫
========
同場加映
【蝸居睇樓團】沙田30年舊樓! 簡約風新婚安樂窩 /無地台睡房連工作室套房
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
