自曾志偉升任TVB總經理後，銳意改革綜藝質素，最近還出山主持《講你都唔信》，同時起用不少新人上位，其中一位就是男藝人方紹聰（奶仔），更有傳獲器重孭重飛主持全新遊戲節目《真係唔好笑》，更被TVB斥資千萬打造成港版《Running Man》，惟在去年12月初拍攝第一集後，傳出曾志偉睇完後，覺得節目質素猶如節目名稱「真係唔好笑」，於是下令煞停。
TVB近期重回遊戲節目的方向，據知已落重本打造港版《Running Man》，推出全新遊戲節目《真係唔好笑》，每集約一百萬成本，一共13集即花費1300萬，相當揼本。《真係唔好笑》由方紹聰、何廣沛、郭子豪主持，早在2021年12月初拍攝第一集，頭炮嘉賓有馮盈盈、麥美恩、吳若希、戴祖儀、黃庭鋒、彭慧中、羅毓儀。
「食腦三子」方紹聰、何廣沛、郭子豪於下星期播出的新劇《食腦喪B》為三人組兄弟幫，三人私下亦有營運影片頻道，而三人亦是節目《真係唔好笑》的創意主腦，獲高層開水喉動用龐大製作費，每次拍攝皆出動近五十名工作人員，更指猶如韓國節目《Running Man》每位攝影師跟一位藝人嘉賓，製作規模相當大。
據知，《真係唔好笑》首集錄影的內容包括藝人嘉賓要在不同的小遊戲入面落力忍笑，否則要接受大懲罰。有傳總經理曾志偉看完第一集的製成品後，覺得節目內容猶如節目名稱「真係唔好笑」，因而下令煞停，令節目播出無期，由第一集錄影至今已經超過4個月了。
圖及來源：節見截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
