台劇《華燈初上》一連三季播出以來掀起煲劇熱潮，最近有指TVB看準時機跟上熱潮，即將開拍港版《華燈初上》，同樣以夜總會作為故事背景，起用今年人氣攀升的姚子羚擔正女一，領軍蔡潔、傅嘉莉等上位花旦，而男一就將會由41歲的楊明擔正，是其自捲入官非停工一年多後，終獲解凍復工的首部劇集。
早前傳出TVB將聯同葉念琛翻拍韓劇《Penthouse上流戰爭》之外，TVB最近就先即將翻拍台劇《華燈初上》，邀來電影導演王晶擔任港版的監製，以重本打造豪華版《華燈初上》，故事圍繞八九十年代香港的大型夜總會，由姚子羚擔正女一飾演見習「媽媽生」，角色暗藏神秘身份，大有發揮，似為力捧姚子羚上位做視后。
《華燈初上》其中一個賣點就是一眾琳瑯滿目的女演員，而港版裡除了姚子羚之外，蔡潔、傅嘉莉、陳法蓉、落選港姐陳聖瑜都有份參演其中女角，演員配搭新鮮。至於男一將會由楊明孭飛，劇中飾演一名睇場的「古惑仔」，其女友莊思明亦有份參演。
現年41歲的楊明，在2020年8月因不小心駕駛而捲入官非，現仍被TVB全面停工，入雪櫃至今一年多。雖然楊明去年被判監18日及停牌2年後申請保釋等候上訴，但由於仍有官司纏身，一直未獲TVB解凍，自2020年12拍畢《我家無難事》後便停工至今，如今終獲TVB獲准復工，但就未敢多言，聲稱未收到將開新劇的消息。
圖及來源：劇集截圖、Netflix截圖、IG@各藝人
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
