肥美人|23歲Lezlie陳映同最重磅選手擁隱藏級靚聲 大碼模特兒自信爆棚回敬網民負評感動小儀

2022.04.13

ViuTV選美真人騷《肥美人》以「大碼女孩選美」作賣點,而其中一位最重磅的選手8號參賽者陳映同(Lezlie)以體重270磅,BMI達43.3早已成為比賽焦點之一。任職大碼模特兒的Lezlie甫出場自我介紹就自信爆棚:「我覺得自己係一個美肥人,全身上下都靚」,提到網民負評和靚聲表演獲滿分後,更一度令小儀感動到眼濕濕。

23歲的Lezlie陳映同是這次比賽中最重磅的一位選手,出場自我介紹就已予人感覺自信,提到網民負評就直言:「經歷咗好多欺凌、好多排斥、好多謾罵,好多無聊嘅網民、好多躲在電腦背後嘅人,唔滿意我哋嘅生活,可能會比佢哋精彩,可能比佢哋貪靚」。

Leslie還坦言「去著泳衣、內衣拍廣告,係要話畀香港女性知,佢做到,大部分嘅香港女性都做到!」

Lezlie在表演初賽以一粉紅色服裝登場,獻唱原創歌曲《Lazy Hazy》,以專業級台風和隱藏級靚聲獲得26分滿分,更獲音樂總監大讚好有力量,是一個專業級數的表演。表演完畢後,Lezlie就表示當自己被拍攝、在台上表演時,才是最自在、最舒服、最開心的的自己。

這番感言一度令小儀感動到眼濕濕:「頭先你哋廿幾個女仔企晒喺度,我有留意到你你唔開心。但你唱完歌之後,你嗰個享受,你嗰個笑容,其實你笑係好好睇!我而家都想喊,我係被你感動到,可能知道你嘅故事啦。

「好多唔識嘅人會憑表面去憎一個人,係冇原因,只係憑表面,扼殺咗好多人嘅機會,人哋去話你乜嘢都唔得,你應該收埋自己嘅時候,你應該更加要將自己最好嘅嘢話畀佢知,係一巴一巴冚佢哋,邊個話我唔得,係你未睇清楚,你冇畀機會啫!」

 

圖及來源:節目截圖、IG@Lezlie

下一頁

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章