開漂白水唔簡單!濃度唔同要識計數! 化學老師拆解10大使用謬誤

2022.04.20

用 1 比 99 開稀漂白水聽就聽得多,但發現很多人對於漂白水都是一知半解,用錯既殺不到菌,更會影響健康。搵熱水開啱定錯?倒漂白水落馬桶沖廁又啱唔啱?請來化學老師 Chemsir 逐一解答及示範,為我們上一堂漂白水課。

謬誤1:「外面多菌,都係關好門窗才用漂白水清潔!」
Chemsir:「用過漂白水都知道,它有一陣刺鼻氣味,使用時應保持空氣流通、打開窗!」

謬誤2:「開漂白水咁簡單,使乜戴手套、眼鏡呀!」
Chemsir:「漂白水呈鹼性,會有一定程度腐蝕性,所以稀釋時要佩戴適當個人防護裝備,如手套、圍裙、口罩和護眼罩等。」

謬誤3:「熱水殺菌,用熱水開漂白水仲好!」
Chemsir:「用熱水開漂白水反而效果會較差,因為漂白水主要成分是次氯酸鈉 (Sodium hypochlorite),是一種不穩定物質,會自然分解,遇上熱水分解速度會更快,所以稀釋時最好用室溫水而非熱水。

謬誤4:「啲菌咁惡,一於用多啲先咁勁殺哂啲菌!」
Chemsir:「稀釋漂白水前要小心注意份量。相信大家都聽過 1 比 99,意思就是 1 份漂白水再加 99 份清水,即是將漂白水開稀 100 倍;至於 1 比 49,就是將漂白水開稀 50 倍。一般家居清潔用 1 比 99 便可,1 比 49 則用在一些頑固情況,多病毒細菌的環境例如排泄物、分泌物或嘔吐物等等。」

「若濃度高/低於 5.25%,漂白水分量要調整。990 毫升水是不必用到 10 毫升漂白水。

計算方法:漂白水分量倍數 = 5.25÷次氯酸鈉濃度。

以這支次氯酸鈉含量是 6% 的漂白水為例,將 10毫升 X 5.25 再÷6,答案是 8.75 毫升。即是將這款漂白水的 8.75毫升,再加 990 毫升清水,就會得出衞生防護中心建議的漂白水稀釋濃度。」

謬誤5:「用樽蓋開方便好多,稀釋份量唔駛咁講究啦!」
Chemsir:「為達至理想消毒效果,開 1 比 99 漂白水時,無論水或漂白水份量都應該準確,可以用量杯、針筒或有刻度的湯匙來輔助。

謬誤6:「開多咗仲有淨,放隔夜聽日再用過!」
Chemsir:「經稀釋的漂白水不建議隔夜再用,盡可能即日用完。剛才也提過次氯酸鈉會自然分解,存放時間越長,分解量越多,效能也會減低。」

謬誤7:「淨咗咁多咁浪費,一於用來抹哂全屋!」
Chemsir:「漂白水有一定腐蝕性,有機會影響某些布料如絲綢、尼龍及油漆表面等,或會造成破壞。」

謬誤8:「淨係用漂白水都係唔放心,一於加埋其他清潔劑,咩菌都死啦!」
Chemsir:「千析唔好!漂白水不應該與其他清潔劑一併使用,有機會與酸性物質產生有毒氯氣。」

謬誤9:「馬桶咁污糟,要經常倒漂白水落去殺菌!」
Chemsir:「我不鼓勵這樣做,首先我們不清楚馬桶內鹹水的成份,萬一鹹水呈酸性的話,會有產生有毒氯氣的風險。平時正常蓋好馬桶沖廁就可以,反而馬桶蓋要定時用漂白水消毒。」

謬誤10:「第6波都唔知幾時到,都係入定幾打漂白水,擺喺屋企夠穩陣!」
Chemsir:「應避免過量儲存在家次氯酸鈉會隨時間而分解,擺得愈耐 濃度愈低。同時應留意漂白水的存放位置,應儲存於陰涼、沒有陽光照射的地方,因為次氯酸鈉會被光加速分解,降低消毒效果。」

text/zuki
photo/Ken
=======
同場加映:
【蝸居睇樓團】藍田469呎40年舊樓翻新 解救侷促呂字廳 營造日系禪意客廳

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語