同情侶夾份租兩房單位 究竟租金要點樣分先公平?!

2022.04.19

同朋友夾份租屋,一般都是租金雜費平分,但有網友在連登討論區發文,表示將會與一對情侶合租一個兩房單位3人行,就究竟屋租等費用要點分,徵詢網友意見……但似乎情況有點棘手……

做電燈膽好玩咩?﹗
一聽到這個租屋組合,網友已經好大反應:「咁嘅組合,你一定好輸蝕,完全制唔過喎!」、「做電燈膽好玩咩?﹗」、「你一定會俾對情侶日針對夜針對,最後逼到你痴線!」、「咁嘅組合你都制 你都唔介意俾晒架啦!」、「淨係計水電煤都足以世界大戰!」、「到夏天,一個開冷氣,另一個話自己唔需要開冷氣,已經有排計,呢啲細數最易出事!」

一聽到要同一對情侶夾份租屋住,網民已經忍唔住問樓主:「做電燈膽好玩咩?﹗」

(設計對白)天熱一間房開冷氣,另一間唔開,咁電費點樣計?﹗

租金分兩份、水電煤分三份?!
亦有網民好理性地為樓主出謀獻計:「租分兩份,水電煤分三份」、「租金跟房分,開支跟人頭分」、「房就按各自嘅房尺數計算,例如你用間50呎房,咪俾50呎租金,其他佢地自己計,其他公用地方你咪出番3份1」,但若採用這個計法,有網友立刻補充:「不過到時要決定咩野,佢地有兩票,你輸梗!所以最好加條款,係日後有新議案時,你有番50%否決權,記得簽約前睇清楚!」。

不過講到尾,可能都係無得用「公平」去計:「點計都死!當所有費用分3份,每人交1/3,如果另外2人用量大,你蝕!如果另外2人用量少過你,佢地實唔順氣!最公平按用量,但問題度唔到,唔通日日mark住水錶電錶,再每個插座加電量計咁咩?!除非你同佢地好熟好熟,熟多錢銀上無計較咁,唔係你有排煩!」

有網民建議房租分兩份,其他如水電煤開支就分三份。

但有網民亦溫提樓主,不妨在租約上加條款,令自己有50%否決權,以保證自己。

text/Joyce
photo/HKET圖片庫
=======
同場加映:

【蝸居睇樓團】藍田469呎40年舊樓翻新 解救侷促呂字廳 營造日系禪意客廳

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章