陳山聰29年前模仿劉德華唱歌入行 青靚白淨靚仔樣不輸韓星 歷盡高低後認遺憾與伍詠薇絕交6年

文: 羅志宏
2022.04.20

陳山聰近期憑著劇集《金宵大廈2》再度人氣急升,劇中一人分飾三角演出獲讚演技出色,令不少人睇好有望在年尾攞獎。現年45歲的陳山聰,星路可謂荊棘滿途,歷盡高低,29年前因模仿劉德華唱歌而獲賞識簽約做歌手入行,一度迷失後現終成獨當一面的男主角,家庭幸福美滿。

陳山聰於1993年參加四大天王模仿大賽而踏足演藝圈,比賽中模仿偶像劉德華唱歌形神俱似,而獲劉德華賞識簽約旗下以歌手身份出道,更推出唱片《ABCD》,當時的陳山聰一臉稚氣,青靚白淨的靚仔樣可謂不輸韓星。惟好景不常,工作就越來越少,令陳山聰一度轉行賣牛仔褲和擔任設計助理。

輾轉十年,陳山聰於2002年加入TVB發展,從旅遊節目主持做起,涉足拍劇當劇集配角,終在2009年憑《學警狙擊》「左輪」一角開始受到觀眾注目,成功轉型演員。不過,陳山聰於2013年起與賭王千金何超雲的兩年情令人印象深刻,當時屢遭外界抨擊「食軟飯」、「棄糟糠」,令他的事業急跌至谷底,更一度戀愛大過天,消失於電視行業。

演藝事業再次戛然而止後,陳山聰更因而一度同契家姐兼至親好友伍詠薇反目。時隔多年,陳山聰自言當時囂張串嘴,對外界不屑一顧。陳山聰與伍詠薇自2004年合作《大唐雙龍傳》後開始情同姊弟,兩人在這些年經歷了不少風雨,曾經疏遠變成陌路人,如今對於與伍詠薇絕交6年感到相當遺憾。

有消息指是陳山聰於2011年成功追到賭王何鴻燊三房千金何超雲後,伍詠薇向當年35歲生日的契細佬陳山聰講生日快樂,誰知對方叫伍詠薇以後不要再聯絡他,伍詠薇事後在微博宣佈要跟「一個人」割席,馬上聯想到是陳山聰。而伍詠薇就此與陳山聰絕交了6年,不過於2017年在東京旅行巧遇,鼓起勇氣一個電話,終於世紀破冰,兩姊弟最終握手和好,重修舊好。

重返TVB後,陳山聰頂著負評重新走上演藝路,2017年憑劇集《同盟》「令千佑」一角首奪「最佳男配角」,接連在星馬兩地得到最喜愛TVB電視角色;2019年於《金宵大廈》首次擔正男一,再獲觀眾認可,登上事業高峰。


圖及來源:節目截圖、IG@陳山聰、伍詠薇

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓