周秀娜突染皮膚病胸頸手腳全身生滿敏感粒粒 自揭服用類固醇仍痕癢難耐︰全身痕到瞓唔到
女藝人周秀娜最近忙於趕拍新劇《疊影狙擊》，但原來近期一直飽受皮膚敏感困擾，日前在社交平台上發文交代病況，表示因為全身敏感，胸頸手腳位置生滿粒粒，雖然已經三度求醫，但情況未有好轉，更慘呻：「全身痕到瞓唔到…」打針兼服用類固醇後仍痕癢難耐。
周秀娜日前在IG限時動態上發文自揭皮膚敏感嚴重，在胸口、頸部、手腳四肢位置都生滿紅點和粒粒。娜姐就表示拍畢水泥廠外的戲份，夜晚收工後便有皮膚敏感的情況出現，直言「全身痕到瞓唔到」，先求醫加大藥效、其後再次求醫打針兼服用類固醇後，情況仍未好轉。
可能受天氣轉變影響，加上外景拍攝場地有欠乾淨，同時周秀娜的全身皮褸戲服包到冚，出汗後令生滿敏感粒粒的位置情況再變差，因此全身仍一直痕癢難耐。娜姐就在IG慘呻：「同一隻抗敏藥，同一隻藥膏加大藥效都係冇用，夜晚再去睇多次醫生，打咗支針再食埋類固醇……今日起身依然都係咁。#鬼叫你病咩 #你估我想㗎」，一眾粉絲都紛紛留言關心娜姐。
圖及來源：IG@周秀娜
港生活人氣本地熱話
《社群》請您試用全新「驅蚊大師『清爽版』」200支！
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
