ChillClub頒獎禮|許廷鏗台上表演流出工作人員交談對話收音入咪 完騷後IG放負:「唔係想怪責」

2022.04.25

ViuTV的樂壇頒獎禮《Chill Club推介榜 年度推介21/22》於24日晚圓滿舉行,不過其中就發生了一段小插曲,許廷鏗在表演環節獻唱時,台下的幕後工作人員就疑似忘記熄咪,將工作人員的交談對話一併收音入咪出街,情況尷尬。而事後許廷鏗亦在IG社交平台上發文放負:「容許我真係有小小唔開心,唔係想怪責」。

許廷鏗雖然在頒獎禮上未有斬獲任何獎項,但就在表演環節落力獻唱,唱出其去年主打歌曲《修羅場》時,就意外發生了一段小插曲。現場同步流出了幕後的交談聲音,聽到工作人員的對話「睇整體㗎⋯⋯睇整體㗎」、「成件事好正㗎」、「總之我同你講成件事係Perfect」、「Keep going, keep going」,但台上的許廷鏗未有受尷尬情況影響,專業地完成演出。

完騷後,許廷鏗就在IG限時動態發文傾吐感受,寫道:「睇返演出的直播,容許我真係有少少唔開心。唔係想責怪、但係花心機時間彩(綵)排演出,就係希望盡善盡美,可以令觀眾視覺聽覺有享受。喺台下一路做觀眾,我都真心覺得個show好正,所以更加想做好自己個part。好少去咁樣放負,呢個story得24小時,比我抒發一下。我仍然相信大家在努力,為着令觀眾知道表演是一門專業的學問。好啦,冇咩事我繼續努力準備出碟的事宜」。

 

 

圖及來源:直播截圖、IG@許廷鏗

 

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章