Winkie黎美言7連炮反擊被點名指「頂唔順佢性格」公開怒轟昔日HotCha隊友Regen張惠雅自私虛偽

2022.04.25

HotCha前成員Regen張惠雅日前作客電台節目《星光背後》,被問到當年HotCha最終逃不過「組合七年之癢」宿命於2014年拆夥,Regen就憶述當年組成HotCha前與隊友互不相識,合作七年常有爭拗,更點名講到前隊友Winkie,表示「未必每個人頂得順她的性格」,因而引起Winkie本人不滿,在IG上7連炮反擊,怒轟Regen自私虛偽。

Regen張惠雅先在節目上分享當年組女團七年表面風光的辛酸史,談到與兩位前隊友Crystal(張汶嘉)及Winkie(黎美言),在拆夥後先後與公司解約,而在當年7年的合作歲月裡,Regen就透露「拗撬最多是跟Winkie,她比較大剌剌,不喜歡就會直接講,未必每個人頂得順她的性格。」

而Regen就指HotCha解散與組員合作無關,最重要是長期無收入,約八千至一萬多的工作收入不成正比,直言「做極都不夠冚回預支那筆數」。

Regen這一番言論就似乎觸碰到Winkie的神經,於是在IG限時動態上以7連炮大反擊。Winkie公開怒轟Regen無品、自私、虛偽、無團隊精神,鬧爆對方「背後做咁多小動作,純粹私心」,直言「其實你過好自己人生,我覺得冇必要再係你訪問度提起評論我,我哋已經係分開個體。因為對我來講,我都頂唔順你哋性格,人前人後一套,無team spirit,全為自己私心」。

被焫著的Winkie就直接開火:「不要用這種手法宣傳自己新歌,I am Serious Now . Get out of my Life」、「一路以嚟,做咁多小動作傷害我,我覺得咁多年,手指只係識指向人,可以試吓檢討吓你自己高傲自滿嘅性格,都末必頂得你順」,甚至直接宣布:「呢合組合我唔會再有興趣重組」。Winkie又表示仍在適應弟弟離世的傷痛,直指Regen在別人傷口上繼續灑鹽:「你訪問說話前可否思考一下?你focus自己可以了。這不是敢言,而是魯莽草率」。

Regen事後亦在有IG回應,承認自己表達未夠好,並且向Winkie道歉,表示自己是「因為Winkie好多嘢都直接講出黎,而我係buy呢一套,我表達唔好,其實係想講好多人未必會接受咩都直接講嘅人,但係我ok佢呢個性格」,亦澄清並非靠前隊友宣傳新歌,表示日後不會再為所有關於組合的問題而作任何回應。

►App《U TV》專區超過50個自家製節目任睇

圖及來源:節目截圖、MV截圖、IG@各藝人 

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章