小朋友周身郁坐唔定，學跳舞放電啱哂！過往本地家長大多只讓孩子學芭蕾舞、中國舞等傳統舞種，近年 K-pop 盛行，加上 MIRROR 大紅，吸引不少大人及小朋友學跳舞，即睇 MIRROR 御用排舞師 Rock Sir 對小朋友學舞有咩意見！同場加映街舞教室，教你 4 個街舞基本步，大人細路屋企都可以隨時練習！
學舞好處多
街舞（Street Dance）起源於 60 年代美國黑人社會，因舞步型格而富節奏感，發展至今逾 40 年，吸引大批年輕潮人爭相學習，亦很適合小朋友。
作為舞蹈學校 Studiodanz 舞蹈總監的 Rock Sir 提醒家長，初學跳舞應以培養興趣為主要目的，夾硬逼小朋友完成高難度動作很易令他們反感。事實上小朋友學跳舞好處多多，既可促進肌肉發展、訓練手腳協調及專注力，同時可增強自信：「如果小孩較慢熱，可以透過舞蹈動作表達自己，在人前表演亦能提升心理質素，與隊友合作、走位培養出團體精神，同時提高社交及溝通能力。」
K-Pop 不等於街舞
近年 K-Pop 風靡歐美及亞洲，連細路都話要學 Blackpink 跳舞！家長經常都有疑問，究竟帶小朋友學街舞還是 K-Pop 好，Rock 澄清 K-Pop 只是一種音樂類別：「我們常見的 K-Pop dance，只是融合不少街舞或其他舞種在入面，並不是一個舞蹈風格！」所以小朋友想跳好一隻 K-Pop 舞，首先還是要從街舞的基本動作學起才能事半功倍呀。
舞蹈學院提供表演機會
坊間有不少專為兒童而設的舞蹈學院，透過課程灌輸小孩應有的成長概念，Rock 建議小孩兩歲以上可開始學舞：「SDA 兒童舞蹈學院分 3 個不同年齡層，2 - 4 歲 Little Steps 班主要以遊戲方式去鍛鍊大小肌肉；5 - 8 歲 Kiddies 班則集中訓練平衡力、音樂感、節奏感及身體協調性；至於 9 - 12 歲 Youngunz 班會進一步培養其個人舞蹈風格，以及較複雜的舞蹈技巧和術語。」
Rock 指疫情下小朋友要戴口罩跳舞較辛苦，所以課堂會盡量安排多些休息及飲水時間，但認為跳舞著重人與人之間的交流，面授課一定比 online class 效果好。而舞蹈學院亦會定期在校內舉辦舞蹈匯演，從排練和演出過程中，增強個人自信心，以及孩子們之間的合作性。
10 歲的 Ian 台型十足，在人前表演絕不怯場，認為跳舞是一件十分 cool 的事情！
7 歲的 Aibyke 較慢熱，但當熱身過後開始活躍，即場表演一字馬！
Rock (方家諾），本地著名舞蹈及排舞老師，擁有超過 20 年舞蹈及編舞經驗，曾為古巨基、Twins、Mirror、Anson Lo 等編舞。
街舞教室
同時請來兒童舞蹈導師 Ben 示範街舞 4 個基本動作，小朋友也能輕鬆學識，隨舞曲律動身體。
1.Prep
身體 45 度右傾，腳微曲，手一高一低舉起，右手上左手下，然後左手上升右手放下，手拉低的同時，肚臍向前頂兩次。身體 45 度左傾，雙手平放，下巴向左推兩下，同時肚臍向前頂兩次。
2.Two-Step
向右踏步，左腳靠攏。然後左腳踏步，右腳靠攏。可加上前臂屈曲動作，臀部稍向下坐。
3.Step-Ball-Change
也是關於踏步的動作，每 3 個拍子為一組，秘訣是「左右左，右左右」。
首先左腳踩在右腳後，右腳靠攏，左腳再打開，另一邊重覆相同動作。
4.Air Pose
想像自己是一個氣球，右腳原地踩一步，雙手打開作擴張姿勢，然後呼氣收縮右傾，回復原位，做多一次。另一邊重覆相同動作。
text/zuki
photo/Him
========
同場加映
【#蝸居睇樓團】小西灣舊居屋變身日式部屋｜客廳藏千本漫畫｜和式風呂浸缸
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
