Ian陳卓賢新歌《Got U》直白情歌甜度爆標 MV化身黑馬王子帥氣騎馬變大細路晒激罕水著look
陳卓賢（Ian）新歌〈Got U〉正式面世！繼〈留一天與你喘息〉後，MIRROR成員Ian最新推出2022年第二首派台作品〈Got U〉，是繼2020年〈正式開始〉、2021〈DWBF〉後又一首甜度爆標的情歌。
Ian形容〈Got U〉是一直白情歌，他說：「其實〈留一天與你喘息〉我唔係好當佢係情歌，因為好多時候，擺喺唔同對象，好似朋友、家人、身邊所有人，甚至是寵物都啱用，但〈Got U〉就係好直白嘅甜蜜情歌，直接話俾對方聽，因為有你，所有問題都解決晒。」今次Ian繼續負責作曲部份，並首度與填詞人T-Rexx合作。
〈Got U〉的歌詞甜到漏，但今次MV的故事卻十分傷感：講述女主角因眼疾，與Ian的甜蜜溫馨逐漸從幸福的日常中漸漸流走，但Ian卻覺得導演構思了這個傷感的故事，卻十分合理，他說：「人生不如意事十常八九，淨返一二就係開心事，正正因為有傷感嘅事，當有令你好開心或者好難得嘅事情出現時先特別顯得珍貴，而每一樣好開心嘅事嘅背後都一定有好長篇嘅故事，例如：一對情侶走到白頭到老背後都經歷好多，甚或有好多爭執、唔愉快嘅事。每一個美好故事背後，都一定有個傷感啲、現實啲嘅背景，所以MV劇情好合理。」
MV中，為了呈現一對情侶的甜蜜溫馨畫面，Ian有機會首嘗騎馬的滋味，穿上黑色牛仔褸的他，騎上馬背即化身「黑馬王子」，型格帥氣兼備，而Ian自己拍攝當日也騎得十分開心，瞬間變大細路！拍攝當日正值暴風雨前夕，氣溫逾30度，但另一甜蜜場口則讓Ian與女主角可以在天台的水池中玩樂，透心涼一番，但Ian笑指：「都舒服嘅，落去嗰下涼浸浸，但真係坐落去嗰下又怪怪地，可能因為知道自己著住便服，然後著住正常內褲，如果著住泳褲加沙灘褲，成件事就好啱數。Physically（肉體上）又唔係好唔舒服，只係心理上覺得唔係著住一件好Appropriate（合適）嘅衫褲，但熱辣辣浸住水食下西瓜幾爽。」
至於另一場景，只見Ian手執咪高峰，與女主角在鏡頭前忘形高歌，不過MV中卻未有聽到Ian在唱甚麼，相信很多粉絲都會即時猜想歌曲名字，Ian即給予點點提示，讓大家估一下，他道：「唱呢隻歌係因為近期睇咗一套電影，電影裡面有出現呢隻歌，當導演話要我唱一隻歌氹女主角開心，要成個人好開心好有氣氛嘅時候，腦內第一時間就Pop Up（彈出）呢隻歌。係一位好敬佩嘅藝人前輩作品，所以第一時間就諗到，同時亦係向呢位前輩致敬，我自己都好鍾意呢隻歌，細細個就聽㗎喇！」憑藉Ian的提示，大家又估到了嗎？
即睇Ian 陳卓賢 《Got U》MV：
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
