炎明熹（Gigi）近期憑《聲生不息》於內地打開知名度，微博粉絲激增至30萬多，可謂人氣再度急升。日前，炎明熹就繼續在網上開直播，與一眾「Gi炎粉」互動，她的8歲妹妹亦首次露樣出鏡，見到「小Gigi」擁有同款瀏海，外表餅印十足。而Gigi自參賽《聲夢傳奇》後，闊別兩年終於衣錦還鄉、光宗耀祖，與父母一家團聚。
炎明熹連日來都有開直播與粉絲互動，日前就素顏上陣架上眼鏡，表示終於跟闊別兩年的家人見面，直言「我父母就喺我身邊，好開心」；而由於粉絲反應熱情，炎明熹更抱起8歲妹妹入鏡，向粉絲介紹妹妹：「呢個係我妹妹，Hello！似唔似？佢嘅皮膚就係我當年嘅皮膚，好渴望有咁樣嘅皮膚」，見到兩姐妹外表餅印十足，同款瀏海一樣非常可愛。
疫情之下，炎明熹難得返內地工作，能夠北上探望父母，終於可以一家團聚，不少粉絲都替她感到高興。炎明熹透露首日接媽媽收工，久別重逢的兩母女不禁相擁而泣，「父母話我係佢哋嘅驕傲，知道我非常努力！當我第一日喺喼拎個獎座出嚟，我媽咪攞住個獎就喊咗，然後到我嫲嫲喊」。去年Gigi贏得《聲夢傳奇》冠軍時，曾坦言「目標係返去探爹哋媽咪」，如今衣錦還鄉絕對值得欣慰。
炎明熹在香港出世，自小與姑媽姑丈住在同一屋簷下，而其父母及弟弟妹妹就長居內地。她曾透露弟弟及妹妹分別為12歲及8歲，坦言很少與弟妹見面，只有放長假才會回內地探望家人。她表示每次返港會都很想念家人及有點不開心，但長大後明白人始終要成長，加上香港家中的姑媽姑丈及表哥表姊都很疼愛自己，已經逐漸適應這種生活。
圖及來源：IG@炎明熹、節目截圖、直播截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
