近來樓價稍跌，好多年輕夫婦都認真考慮緊係咪應該把握機會上車買樓，有夫婦就睇中咗一間樓價約400萬嘅油尖旺區200呎半新樓，喺連登討論區發帖問網民究竟係咪買得過？大家又點睇呢？
年齡約30出頭嘅樓主夫婦，二人月入合共約50K，喺未來5年都暫不打算有小朋友，諗過租屋，但覺得屋租每月至少都要萬幾蚊，結果又會儲唔到錢！又適逢睇咗一個位於油尖旺區約200呎嘅半新樓單位，環境唔錯，而計返買樓負擔，首期加雜費合共約500K，而日後每月供樓支出大約12K，樓主覺得負擔到，於是心郁郁想買樓當儲錢，幾年後如果生BB嘅話再樓換樓。
樓主睇中咗嘅納米樓，月供約12K，樓主認為負擔得到，又可以當儲錢。
納米樓日後賣樓要蝕讓？！
網民認為樓主嘅納米樓置業計劃，有兩大要考慮嘅地方，其中，係納米樓日後賣樓，樓價升幅細，甚至要蝕讓：「樓價升就無納米樓份，樓價跌就納米樓跌先，想儲錢，買層二手300呎左右」、「環海東岸個個都損手先走到，btw就算你要買，都唔好買細發展商起既納米樓，質素垃圾到不得了！」、「納米盤唯一優點就係新，你接人貨嘅時候已經係二手盤，住幾年再放就無咗唯一優點，真係有心理準備係蝕錢賣，果幾年仲要住到咁屈就，我係寧願買返舊樓大少少會住得舒服啲！」
有網民提醒樓主，當幾年後納米樓樓齡變高，若果想賣樓，可能要蝕讓。
買面積較大嘅舊樓好住啲？！
亦有網民覺得若果支出相若，買面積大啲嘅舊樓，好住過納米樓。有網民問樓主：「點解要買半新樓？點解要油尖旺區先？200呎一個人住就差唔多！」，樓主就回應：「近大家番工，貪佢新，鄰居年齡差唔多，環境好過舊樓」、「千奇唔好，想上車就睇30-40年嘅大型屋苑，細細哋300幾尺嘅2房最好。最好唔好買單幢，千奇唔好買納米樓（好大機會蝕走）。同另一半人工少過你地都上車，首期大約round70萬，唔係大西北。」、「我寧願買舊樓，納米樓真係好難住人，想屋企買多少少嘢都唔得！」、「去新界西北買兩房、三房，認真，就算買劏房都要買返西北，市區劏房升值有限，因為同價可買到新界新樓大單位。」、「不如250-300呎、非開放式、30年內樓好過啦！」
網民建議若果樓主想住得舒服啲，不妨考慮買樓齡高啲或者偏遠啲，但面積大啲嘅單位。
住納米樓會住到有抑鬱？﹗
但估唔到有住過納米樓嘅過來人，提出唔好買納米樓嘅原因，係因為「心理問題」：「租過一年納米樓，大約200呎，住到抑鬱咁滯！除非你本身住慣咁細，唔係勸你試下租一年玩下！」、「認真唔好買，放盤無人接！利申：租緊納米樓住，無房有時同另一半嗌交都唔知可以點！」，有網民回應：「瞓老麥！」，有過來人表示：「試過放工係條街行咗兩三個鐘先返屋企！」、「大西北、上水、粉嶺，應該買到啲住得人嘅單位嘅，200尺唔住得人㗎，好壓抑！」
亦有住過一年納米樓嘅網民，表示住到差啲有抑鬱！如果同另一半嗌交，更加無處可逃！
text/Joyce
photo/HKET圖片庫
========
同場加映
【蝸居睇樓團】東涌250呎單身男型格蝸居|黑灰調Open Kitchen
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
