網民討論邊個私人屋苑會所最正 凱旋門第一、xx第二?君頤峰第三?

2022.05.15

好多人喺選擇購買/租住邊個私人屋苑嘅時候,入面嘅會所設施同質素,絕對係考慮因素之一!最近有網民就喺連登討論區發問:「邊間屋苑個會所最正?」,並且列出自己心目中嘅三甲同入選原因,不過就引嚟網民熱烈討論。

第一位:凱旋門  景觀一流!
樓主心目中的第一位為凱旋門,原因,好簡單:「淨係view已經x打」。有網民認同並回應:「凱旋門個會所唔係特別出色,設施開始舊,畀呢家嘅新樓x打,反而行返上去空中花園個view正到不得了」,亦有網民認為凱旋門個會所好壞參半:「個Gym除咗個景靚同有落地大窗之外,其實好細,會所餐廳嘢食選擇唔多,係62樓平台叫做唔錯」

樓主認為凱旋門住客會所的景觀無敵,單憑這點已足以成為全港私人屋所會所之冠。

第二位:瓏門  會所工作人員夠好!
樓主心目中的第二位為瓏門,原因是其認為會所內的工作人員夠好:「啲會所姐姐很正式,大部分都很仁善」但有網民立即質疑其說法的真實性並問:「圖?」,基於無圖無真相下,樓主的說法則有待商榷。雖然我們未能證實瓏門會所最出色之處,是職員及服務水準,瓏門會所其中一個賣點,是位於第2座20及21樓的「天際會所」,提供空中酒廊及空中健身室,可飽覽屯門河景及赤鱲角海景,與凱旋門的空中會所類似。

樓主認為瓏門住客會所的姐姐正及服務態度好,不過網民認為要有圖先可以確認真相。

第三位:君頤峰  設施夠晒齊全!
至於樓主心目中的第三位則為君頤峰,皆因設施應有盡有:「基本上要有嘅設施都有」,不過樓主亦表示會所設施較舊,工作人員的態度都認真要改善:「不過呢家好多(設施)都舊舊地,啲姐姐都變咗做姨姨,有時(態度)仲xx地」

樓主認為君頤峰會所的優點,勝在設施齊全!

海逸豪園有私家海濱長廊 珀麗灣擁3個會所
現時香港的住宅會所如恆河沙數,其他網民當然亦提出了各自的心水住客會所,有網民大讚紅磡的海逸豪園:「我覺得海逸豪園都唔錯,泳池又大,設施都算多,另外仲有條私家海濱長廊,連住大環山游泳池條海濱長廊」。不過亦有網民指出海逸豪園會所的缺點:「泳池望出啟德係靚,不過設施開始舊,會所員工超hea」。

亦有網民大讚珀麗灣的住客會所,「珀麗灣,有成三個會所,(有)兩個戶外(泳池),兩個室內池」,有網民認同但認為屋苑所在的位置偏遠:「係大,但係好隔涉」,另一位網民隨即反駁:「咁係(喺)市區方便就唔係哩(呢)個價錢,同埋遠先少人d(啲)」。

網民指海逸豪園有私家海濱長廊,是一大獨特賣點。

珀麗灣擁有3個住客會所,共4個泳池,獲網民大讚。

text/Jonathan
photo/HKET圖片庫

========

同場加映

【蝸居睇樓團】沙田一房單位變 4 口之家 | 無敵山景主人房+BB房+活動儲物櫃

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章