大家去香港仔郊野公園時會途經嘅漁光邨，原來係港島南區第一個屋邨，早於1962年落成，樓齡仲高過1967年入伙嘅華富邨！咁呢個有60年歷史嘅房協屋邨，已經預計最快會於2025年拆卸重建，而落成後更計劃有約7成單位會作資助房屋發售，部分高層單位仲會有海景喎！
名字最美的公共屋邨！
在60年代落成的漁光邨，原來興目的係為咗安置當時搬到岸上居住嘅漁民，邨內五座樓宇，名字分叫白沙樓、順風樓、海港樓、靜海樓同海鷗樓，全部均以海嘅主題命名，原來曾經被譽為「名字最美的公共屋邨」！ 而屋邨嘅規劃同設計都好有心思，整體設計係走「熱帶現代主義」風格，例如樓宇之間嘅密度較低，布局呈階梯狀，樓宇內設有採光天井，單位的窗口設計較大以增加室內採光等。
已有約60年歷史嘅漁光邨，整體布局呈階梯狀，樓宇之間密度較一般屋邨低。
屋邨設計走「熱帶現代主義」風格，單位的窗口設計較大以增加室內採光。
未來港島海景房協樓王
預計將於2025年展開嘅拆卸重建工程嘅漁光邨，重建後嘅單位數目，將由目前嘅1,175個增至2,929個，而房協亦建議將當中大約2,059個單位，作為資助出售房屋，預計合共可容納約8,321人，重建後項目亦會提供食肆、商店及社福設施等。房協亦向城規會提交咗文件，申請放寬高度限制，重建後將提供五幢介乎29至37層高嘅住宅樓宇，即部分高層單位會有香港仔避風塘海景，隨時會成為新一代港島區房協資助房屋樓王，令人期待！第一期工程，預計於2031年完工，不過南區區議會就關注到區內嘅配套設施問題，尤其係入伙後人流增加，會唔會對交通造成負荷，同意政府應該為整個香港仔做全面交通評估同改善。
重建後樓宇高度達29至37層，部分高層單位會享有香港仔海景。
漁光邨後面就係香港仔郊野公園，非常方便行山人士。
text/Joyce
photo/HKET圖片庫
========
同場加映
【蝸居睇樓團】沙田一房單位變 4 口之家 | 無敵山景主人房＋BB房＋活動儲物櫃
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
