6.1年先上到樓 輪候公屋時間再創新高!有乜辦法可以快啲上樓?

文: U Magazine
2022.05.18

住屋一向係香港人最關心嘅生活議題,有人甚至話如果你係公屋住戶,已經算得上係人生贏家!可惜根據房委會最新公布,截止3月底,一般申請者嘅平均輪候公屋時間,升至6.1年,長者一人申請者嘅平均輪候時間就係4.1年,兩者同創1999年以來新高!有議員甚至估計未來3年,輪候時間應該會升至6.5年!究竟有無辦法可以快啲上樓呢?

嚟緊幾年,估計輪候時間增至6.5年?!
房委會表示,一般公屋申請者嘅最新數字為14.75萬,而配額及計分制下嘅非長者一人申請,就有約9.77萬宗,即合共約有24.52萬宗,一般申請者平均輪候時間增至6.1年(2021年9月底嘅平均輪候時間係5.9年)。不幸嘅係:未來幾年新屋邨落成數量會放緩,所以預計輪候時間將會再延長,房委會資助房屋小組委員會委員兼立法會議員梁文廣就估計,未來3年公屋平均輪候時間有機會升至6.5年!亦有人估計非長者單身人士嘅輪候時間,更會增至10至15年!

未來幾年,新屋邨落成數量會放緩,所以預計輪候時間將會再延長。

有議員估計未來幾年,公屋輪候時間有機會增至6年半,非長者單身人士嘅輪候時間,更會增至10至15年!

「特快公屋編配計劃」快啲上到樓
如果閣下正在輪候公屋,或合資格輪候公屋而想快啲上樓的話,就不可不知,原來房署係有一項「特快公屋編配計劃」,換言之循呢個計劃,係可以比一般輪候者快啲獲得編配公屋單位,而新一期預計會於2022年中接受申請。

點解會咁筍?原來「特快公屋編配計劃」中可供揀選嘅單位,大部分係受歡迎程度較低嘅公屋單位,原因可能係因單位嘅層數、座向、以至單位設計等較為遜色,例如位於新界區嘅寶田邨及天恩邨(一期),就係單位內嘅洗手間較其他公屋單位略為細小。而部分單位就曾涉及不愉快事件,包括兇殺案、自殺、意外身亡、自然身故、追討欠債等,部分曾發生兇殺案嘅單位,更有租金優惠。此外,凡願意入住「有效空置期」達12個月或以上嘅租戶,亦可享有租金寬減,寬減視乎單位有效空置期而定。而喺租金寬減期間,租戶不可申請房屋署嘅租金援助計劃。

「特快公屋編配計劃」部分可供揀選單位,曾有住客自殺。

在「特快公屋編配計劃2021」名單中,沙角邨綠鷺樓的1610室,於2002年及2008年曾發生兇殺事件,單位面積23.13平方米,現時租金為1,317元。

溫馨提示:入住者3年內不能調遷
雖然「特快公屋編配計劃」算是公屋上車捷徑,但都有一些辣點要注意。

1.申請者接受自選單位嘅編配,在租約生效日期起計三年內,申請者及其家庭成員唔可以要求調遷。

2.凡通過「特快公屋編配計劃」獲編配公屋單位嘅申請者,若於其公屋單位首次租約生效日期起計三年內,以綠表申請購買房委會出售嘅居屋單位或房協嘅資助出售房屋項目(包括剩餘居屋及新居屋單位),房屋署 /房協喺編排選樓次序時,會視該申請者為白表申請者,其購買的單位亦會算在白表申請者嘅配額之內。購買單位後,該申請者與其他綠表申請者一樣,需要將公屋單位交回房委會。

若果接受「特快公屋編配計劃」單位安排嘅頭3年申請居屋,編排選樓次序時會被視為白表申請者。

【INFO】
特快公屋編配計劃
網址:https://www.housingauthority.gov.hk/tc/flat-application/express-flat-allocation-scheme/index.html

text/Joyce
photo/HKET圖片庫

========

同場加映

【蝸居睇樓團】沙田一房單位變 4 口之家 | 無敵山景主人房+BB房+活動儲物櫃

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓