記者實測市面12款吸濕產品! $12店買到珪藻土!邊款最好?邊款冇用?

2022.05.19

唔知大家知唔知道屋企除咗衣櫃之外,就連食物、雪櫃都需要吸濕呢?市面上有各款珪藻土產品就可以幫到你,今次我哋就為大家介紹下各款珪藻土產品究竟係點用,再做個實測比較多款唔同嘅吸濕產品,睇吓邊款吸濕效果最佳!

珪藻土吸濕小石 12.9港元/ 日本城
珪藻土因為表面有成千上萬嘅細孔,所以吸水能力超強。而呢款珪藻土吸濕小石除咗可以掛喺衣櫃入面吸濕,仲可以將佢放喺鞋入面吸濕。

珪藻土吸濕匙 12.9港元/ 日本城
調味料如鹽等會因為濕度太高而結塊,呢款珪藻土產品可作匙羹用,同時具吸濕效果,非常方便,咁就唔怕調味料會變到一嚿嚿啦!

珪藻土食物防潮塊 12港元/ Daiso
開封咗嘅食物會因為受潮而容易變質,用呢個珪藻土食物防潮塊就可以將過多嘅濕氣吸走,令保存效果更好!


珪藻土牙刷座 10港元/ 日本城
浴室係全屋最潮濕嘅地方,特別容易滋生細菌,甚至發霉,呢個珪藻土牙刷座就可以幫你枝牙刷乾爽,無咁易受浴室潮濕影響。


珪藻土吸濕蛋 12港元/ Daiso
唔講可能唔知,其實雪櫃都需要吸濕㗎!呢個珪藻土吸濕蛋除咗可以幫雪櫃吸濕外,仲可以吸味,一舉兩得!


除咗珪藻土產品,市面上亦有多款唔同牌子嘅吸濕產品,究竟邊款吸濕效果最好呢?我哋即刻做個測試比較下!

測試方法:先記錄擺放吸濕產品前衣櫃內的濕度,再將吸濕產品放入衣櫃24小時,然後再記錄衣櫃內的濕度並作比較(測試結果只供參考,並非完全準確)

3M強力吸濕器3個裝 33.5港元/日本城
使用前濕度64%→使用後濕度63% 濕度下跌百分比:約1.56%

白元環保 強力吸濕器3個裝 33.5港元/日本城
使用前濕度60%→使用後濕度58% 濕度下跌百分比:約3.33%

Daiso吸濕器 12港元/ Daiso
使用前濕度62%→使用後濕度60% 濕度下跌百分比:約3.23%

Daiso竹炭除濕劑 12港元/ Daiso
使用前濕度60%→使用後濕度62% 濕度下跌百分比:/
量度出的濕度在使用吸濕產品後比使用前更高,因此呢款吸濕產品測試結果無效。

Daiso炭脫臭除濕劑 12港元/ Daiso
使用前濕度63%→使用後濕度61% 濕度下跌百分比:約3.17%

Daiso可重用衣櫃掛裝吸濕墊 12港元/ Daiso
使用前濕度62%→使用後濕度58% 濕度下跌百分比:約6.45%

小久保天然竹炭包 12港元/ Daiso
使用前濕度63%→使用後濕度64% 濕度下跌百分比:/
量度出的濕度在使用吸濕產品後比使用前更高,因此呢款吸濕產品測試結果無效。

今次測試結果表現最好的兩個產品為「Daiso可重用衣櫃掛裝吸濕墊」及「白元環保強力吸濕器」。有研究表指衣服存放的最佳濕度一般為50%至60%之間,濕度過高會令細菌滋生,情況嚴重更會影響健康,所以注意家居吸濕十分重要。


text/jonathan、serena
photo/chow
========
同場加映
【蝸居睇樓團】沙田一房單位變 4 口之家 | 無敵山景主人房+BB房+活動儲物櫃

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章