鍾意姆明嘅朋友仔留意啦，小編喺日本網購平台搜羅咗一大堆姆明生活用品及家品畀各位粉絲，有實用類嘅保溫瓶及收納袋、有裝飾類嘅小夜燈、有外帶類嘅旅行包及折疊式矽膠杯等等，每款都印有姆明家族不同成員，即刻睇睇小編精選嘅8件家品啦！
1. MOOMIN 真空保溫瓶 2,189日圓（約136港元）
每個家庭都必備嘅真空保溫瓶，有時煲咗湯想帶返公司，怕漏又唔保溫！呢個時候當然要擁有一個保溫瓶，可以一次過解決呢兩個問題。瓶身上印有姆明同佢嘅朋友們好開心咁野餐，點睇都咁可愛啊！
2. 姆明嬰兒禮品套裝 6,930日圓（約430港元）
想送禮物畀啱啱出世嘅BB仔？不妨考慮吓呢款姆明嬰兒禮品套裝，包括臂枕、口水肩和手巾，平時媽媽抱住小朋友手臂一定好攰㗎啦，呢個姆明臂枕可以隔住手臂及BB，令雙手都冇咁吃力。
3. Tropical Moomin粉色收納袋 980日圓（約61港元）
粉紅色收納袋好有夏日嘅感覺，袋仔睇上去細細哋，但其實都裝到唔少野㗎，基本上成set化妝品都可以放得哂～
4. 亞美行李袋 1,039日圓（約65港元）
行李袋容量十分足夠，可肩揹或手提，而前面嘅小袋適合放啲隨身物品，可以輕鬆取出。個袋亦可牢固地套上行李喼嘅手柄上，移動時唔怕會掉落。
5. Forest 冰涼購物袋 3,289日圓（約204港元）
去超市或街市買菜都會用到膠袋，試吓呢個有保冷功能嘅購物袋，佢用咗具有支撐性嘅面料製造，可將佢撐起並用魔術貼固定，容量大到買幾日嘅菜都得啦！咁就可以慳返唔少膠袋，環保啲啊～
6. MOOMIN COFFEE CUP 2,189日圓（約136港元）
姆明真空保溫杯冷熱兩用，一共有三個款式，有450mL。
7. MOOMIN 小夜燈 2,490日圓（約154港元）
曾經賣到斷哂貨嘅姆明小夜燈終於返貨啦～平時日頭放喺房間內可作裝飾，夜晚着住暖暖光線好治癒。
8. 姆明谷便攜折疊矽膠杯 2,530日圓（約157港元）
淺粉紅色嘅折疊矽膠杯用完可以輕鬆將佢摺起，然後掛喺包包上，不佔空間又輕便。
【Info】
姆明生活小物
text/phoebe
source/7net.jp
========
同場加映
【蝸居睇樓團】沙田一房單位變 4 口之家 | 無敵山景主人房＋BB房＋活動儲物櫃
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
