大部分人買樓，都很關心樓盤是否「凶宅」；但如果計劃賣樓，但家中忽然有老人家過身的話，哪單位是否即變「凶宅」呢？有網民在連登討論區聲稱代朋友發帖詢問，即引來網民熱烈討論。
樓主的朋友，家有一位八十多歲的老人家，身體健康並無長期病患，某晚與家人用膳期間，說有點頭暈要入房休息，家人不以為然，繼續晚飯，直至有家人臨瞓入房呼喚老人家時，發現老人家失去知覺兼手腳冰冷，家人立刻報警而救護員於10分鐘內到達，發現老人家已經無呼吸同脈搏，進行了心肺復甦急救後，就話老人家已經死亡……樓主代朋友問：老人家在這種情況下過身，個單位是否算成為凶宅？而朋友打算年尾移民，賣樓時是否需要同地產代理交代呢？
樓主朋友的80多歲家人，在晚飯期間聲稱不適，幾小時後在睡床上安詳離去。
老人家安詳離去，直頭係福宅！
網民都表示老人家能無痛楚安詳離去，不但不算凶宅，直頭可以稱得上是福宅：「被殺或者自殺先算！」、「其實安詳離去係福份，咁樣唔算凶宅」、「同屋企人食埋最後一餐飯自己入房走，好多老人家恨都恨唔到啦！如果咁都凶，不如講吓點樣先唔凶」、「咁都計凶嘅話，點先唔凶？耶穌佛祖親自落嚟接佢走？」、「走得安詳既話，咁應該算福宅」、「自然走，福宅嚟！可以賣高過銀行估價10至20%，恭喜樓主！」。
網友表示要發生被殺或自殺事件，事發單位才算是凶宅。
不少網友認為老人家在家中安詳離去，該單位簡直算得上是福宅。
估唔到老人家死咗，最關心嘅係樓價！
至於賣樓時是否要跟地產經紀交代，大部分都認為既然老人家屬自然死，應該毋須交代：「就算上咗報，自然死都唔計，你彈出嚟同個AA叫托咩，想佢幫買家壓你價？」、不過亦有人覺得要同經紀交代：「呢啲叫事故盤，唔算凶宅。不過地產代理仍然有責任向買家披露」、「如果老人家喺層樓度係有名嘅話，係需要註上死亡證，咁樣嘅話當買賣嘅時候，好大機會都會睇到」。
不過有網民就覺得有家人過身，但原來最關心是賣樓，樓主朋友為人都相當現實：「估唔到老人家死咗，最關心嘅係樓價」、「講嚟講去只係驚佢連累樓價，咪係！老人家走得咁安詳，第一時間開post想人答佢唔影響樓價，老人家生前唔知佢啲子孫咁仆街真係算有福！」
大部分網友認為樓主朋友毋須通知經紀，不過若果老人家為單位業主之一，賣樓要出示死亡證，經紀亦應該會知道。
有網友覺得樓主朋友在家人過身後，最關心竟然是賣樓時會否影響售價，為人相當現實。
text/Joyce
photo/HKET圖片庫
========
同場加映
【蝸居睇樓團】日系簡約風4口親子之家 | 日劇場景feel飯廳 | 複式子供部屋
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
