慳返半個月租代理佣金 租「免佣盤」有咩要注意?

2022.06.08

搬出嚟租屋住,開支都幾大,除咗可能要添置傢俬及家品外,租屋所需的按金及佣金亦要花費一大筆錢。而喺市場上則有一類租盤俗稱為「免佣樓」,顧名思義,係租客同業主喺唔經地產代理嘅協助下,雙方直接聯絡及交易,所以可以免去畀地產代理約半個月租金嘅代理佣金。有網民就喺Facebook嘅租屋群組中發帖,詢問大家租「免佣樓」要注意乜嘢?網民都熱烈畀意見呀!

要查冊、打釐、租約寫清楚責任

樓主發帖提問:「終於搵到免佣樓租,請問一般直接與業主deal嘅租樓手續程序係點嘅呢?作為租客有什麼可保障自己?」,隨即有唔少熱心網民回應解答,而眾多網民都提醒樓主記得要查冊、打釐印以及租約需要寫清楚:「正常業主,租客,用文具店買的租約已足夠,咪寫清楚包乜傢私電器,維修責任」、「有標準合約,網上下載或去文具舖買都得,最緊要係打釐印咁份租約先有効嘅,打釐印可以網上做都得」、「記得記得記得打釐印,另外就係業主查冊」。

有網民則認為要注意租盤係唔係凶宅:「打探清楚會否(是)凶宅」,而根據網上資料,查看單位是否凶宅則可透過瀏覽各大凶宅網、詢問地產代理以及參考銀行對單位的估價等方式。

另外亦有網民認為其實業主應為更擔心的一方:「咪玩,真業主驚租客多啲,你最緊要查冊佢係(咪)真業主」,並認為業主在合約處理方面會比租客更為謹慎:「(租約)業主會搞㗎啦,驚過你啦佢」!

有網民認為租「免佣樓」最緊要是查冊及在租約上打釐印,並需將租約內容寫清楚。

亦有網民認為要小心單位會唔會係凶宅。

究竟咩係查冊同打釐印?

查冊,即查閱土地紀錄,係土地註冊處所提供嘅其中一項服務,任何人都可以經土地註冊處查閱各地址嘅相關土地紀錄如業主資料、買賣合約、法定押記等,係租樓及買樓前應要做嘅事情之一。查冊可透過土地註冊處嘅「綜合註冊資訊系統」以網上方式進行,費用為10港元/次,亦可親自前往各個土地註冊處客戶服務中心以及新界查冊中心辦理。

打釐印,意思為將租約交予稅務局在其加蓋租約印花稅印花。在租客與業主簽定租約後,須向稅務局繳「釐印費」,即租約印花稅,而租約在繳完「釐印費」及打過釐印後才有具法律效力,在法律上,租約中所列明的條文才是正式生效的,從而保障雙方的利益。如不幸遇上業主不願意打釐印,租客亦可向稅務局單方面申請,亦具相同效力,唯租客需要獨自承擔所需費用。

租屋或買樓前,記得去土地註冊處查閱各地址嘅相關土地紀錄如業主資料、買賣合約、法定押記等。

租屋時記得將租約交予稅務局在其加蓋租約印花稅印花,即是打釐印。

text/Jonathan
photo/HKET圖片庫

========
同場加映
【蝸居睇樓團】半山1,600呎望深水灣靚景豪宅!酒店級雲石浴室+美國胡桃原木吧台+水泥波浪天花

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章