張敬軒演唱會2022|王菀之親筆信搞喊軒仔!MIRROR成員Ian變怕醜小粉絲、Jer進貢軒仔黑歷史CD

2022.05.30

張敬軒紅館個唱補場《張敬軒The Next 20演唱會》昨晚(29日)來到最後一場,尾場一口氣請到3位特別嘉賓分別有王菀之(Ivana)和MIRROR另外兩位成員陳卓賢(Ian)及柳應廷(Jer)。Ivana為軒仔預備親筆信做禮物,說:「幾年前你問我如果下一世遇唔返我點算?我會去搵返你!」兩人相擁而泣,場面感人。

張敬軒紅館演唱會昨晚圓滿結束,台上台下同樣星光熤熤,MIRROR的Anson Kong、Edan、ERROR的193、谷德昭、陳潔靈等都有現身睇騷。而上這晚軒仔邀請了3位特別嘉賓上台表演,包括身為軒仔多年好友的Ivana和MIRROR的Ian及Jer。

►App《U TV》專區超過50個自家製節目任睇 

軒仔介紹Ivana出場時表示這位嘉賓是和他出生入死的好朋友,每次舞台都不可缺少她,他以半跪之姿迎接Ivana登場,兩人合唱《留白》,引起全場哄動。Ivana這晚都跟足「規矩」向「皇上」進貢,她帶來3份禮物,分別是空的咖啡袋,要軒仔付費才有咖啡豆,第二份是為自己演出的舞台劇賣廣告,最後一份是一封親筆信。

 

信中提及在沒有見面的日子裡大家都各自為夢想努力,即使有困難也不放棄,又說:「幾年前你喺同一地方(紅館)問我,如果下一世遇唔返我點算?」聽到這裡軒仔已經忍唔住流下男兒淚,Ivana接續說:「我怕你唔記得,所以答多你一次,我會去搵返你!」兩人即時相擁而泣,真摯的友誼感動全場觀眾。Ivana又說感謝天父賜給大家這位光芒由心發出照亮許多人的張敬軒。

 

這晚第二位嘉賓是MIRROR的Ian,軒仔表示由對方參加選秀時已經留意到他,他亦曾經翻唱軒仔的《騷靈情歌》,大讚Ian唱功了得,首次單獨登上紅館舞台的他顯得非常緊張又有點怕醜,不時說話「口窒窒」,他預備了一部模型車送給軒仔,他表示從軒仔身上獲益良多,期望日後有這輛車時可以載對方遊車河,但軒仔就笑言這部並非Ian代言的汽車品牌,令Ian一時反應不過來,場面搞笑。

 

至於壓軸出場的Jer原來是特地拍完戲收工趕過來,Jer稱軒仔十分樂意提攜後輩,他帶來自己人生中第一隻CD就是軒仔的CD作為禮物,不過竟然是送給軒仔幫自己簽名,軒仔就笑言看到當時自己個樣就覺得每個人都有不堪回首的過去。

來源:EEG提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章