貼紙漬好難清理? 網民熱烈討論去除貼紙漬方法

2022.06.02

唔知大家有冇試過撕走產品上嘅價錢貼紙時遇到困難呢?可能好多時都會未能將貼紙完整地撕走,又或者貼紙嘅膠漬已經緊緊地黏實喺產品上,除咗難以清除之餘又會影響美觀,而最近就有網民喺Facebook嘅家居群組中發帖求助,詢問大家究竟點先可以將貼紙膠漬去除,網民都各出奇招,熱烈分享心得!

專業去漬產品 WD40同橙水有乜優點?
樓主發帖提問:「熱水煲搣咗招紙之後, 點樣清潔得甩(膠漬)?」有不少網民就建議使用一些比較專業嘅去漬產品:「WD40超有效」、「WD40噴咗等一陣,好易捽得甩」、「火機白電油,幾頑固都實甩又唔難清潔」、「天拿水,一抹就清潔」、「Lotoxane C043,白電油,火水,松節水,天拿水,WD40等等都可以除膠漬」,但樓主則表示擔心使用WD40去漬會有衛生問題:「會唔會一陣味同埋好難清潔呀?」,有網民則提議用較衛生的專業產品:「飲食器具殘膠只建議用橙水Desolvit清除,因為佢係由橙皮箤取,相信毒性較低。用其他除膠劑、松節水、白電油、WD40甚至天拿水,就算事後點洗乾淨,硬是覺得唔係咁好」

有網民建議使用一些較專業的去漬產品如WD-40、白電油、天拿水等等。

亦有網民表示如是用於飲食器具上應使用較衛生的產品,例如被稱為「橙水」的De-solv-it去漬產品。

洗甲水、白花油、過期花生醬都有效
除了一些較專用的產品外,亦有網民提出有一些家居常見物品都可以去除膠漬:「而家屋企一定有的,75度酒精」、「我通常用潤膚露揉下,用擦就刷洗乾凈」、「洗甲水,其亞士通成份,應該有效」、「用生油搽上去等第二日用布抹就得」、「其實任何油性的東西,都可以除膠的」,樓主則表示試過用酒精去清潔,但亦無效。有些網民更提出一些令人意想不到的提議:「個人試過...白花油....堅work...」、「用橙皮有汁果邊卒下佢,環保簡單」、「朋友用過期花生醬,塗完隔一日就可以。大家若果屋企有開咗過期花生醬可以保留使用」

網民建議用酒精、潤膚露、洗甲水及生油等家居常見物品去漬。

有網民表示曾用白花油及過期花生醬能成功去除膠漬。

先用風筒吹 令貼紙更容易撕走
除了去除膠漬的方法外,網民亦有建議一些方法令貼紙更容易完整地撕走以避免殘留膠漬:「撕標籤之前先用吹風機吹熱再撕就不會留疤痕!撕的很乾淨」、「下次先用風筒吹軟先搣, 咁樣冇咁容易有膠漬」、「煲滾咗水時候搣,成張好易甩,一搬連膠一齊甩。」、「下次盛滿滾水在煲內,幾分鍾後,慢慢撕下,不留痕的」

網民另外建議樓主下次在撕走貼紙前先用風筒將貼紙吹熱或於煲水後才將貼紙撕去。

text/Jonathan
photo/HKET圖片庫


========
同場加映
【蝸居睇樓團】上門睇風水!龍師傅帶睇九龍城47年舊樓旺氣不再?鏡對睡床影響情緒+屋企太暗多病痛

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章