除非閣下係住村屋或者唐樓，否則每日往返屋企，都一定要搭升降機，若果樓齡高，升降機仲好易成日出故障；有網民就喺連登討論區發帖，叫住公屋嘅網民分享一下所住大廈嘅升降機，究竟有幾廢？結果大家平時積落嘅一肚苦水，洶湧地爆晒出嚟……
壞親都係我嗰部，隔離果幾部都唔識壞咁！
原來一講到公屋嘅升降機經常出故障，公屋網民啲苦水就洶湧而出：「今日又壞！一個月都唔知有冇一半日子係無壞！」、「壞親都係我個架，X你老母，隔離個幾部唔識壞咁！」、「有一兩層無人撳都會停，啱啱壞個陣仲以為撞鬼，整好無幾個月又壞過！」
升降機速度超慢，又係另一個問題：「等升降機每次要等最少3分鐘以上先有，慢到傻！」、「撳閂門掣都要等10秒先閂到」、「強制性等遲入嘅人，如果一個接一個接嚟真係……」、「真係好X癲，仲要好多無禮貌，衝入嚟一句唔好意思都無！」、「公屋本身就係畀老弱傷殘住，想夾死人咩？lift咁快把Ｘ？」
有網民慘叫，形容部電梯一個月入面，超碼壞半個月！
有網民亦覺得升降機門閂得慢，仲要層層等遲入lift嘅人，好無奈。
有網民笑言：公屋住戶多老人，升降機門閂得慢，都係好事。
最高嗰層無升降機到，買傢俬要硬食樓梯費！
而公屋層數多住客多，但升降機數量同所停層數嘅設計，其實都好有問題：「最高嗰層冇升降機到，買傢俬永遠要硬食樓梯費！」、「得單數層，我住Ｘ咗10幾年雙數樓，行多人哋幾百個鐘，可能……」，即刻有同病相憐嘅網民，問：「係咪井字型嗰啲？」，有網民就分析：「以前公屋係1、4 、7/2、5 、8/3、6 、9咁每樣兩部，平時趕時間上/落一層最方便，而家居屋一共得3部：低，高，全層！」，有網民回應：「我嗰度有7部，3高3低1全層」，「你咁樣咪行得慢，40層部電梯停好多個站，而家分高低層快好多，直飛！」
有住頂樓嘅網民表示無升降機到樓層，買傢俬要硬食樓梯費！
舊式公屋嘅升降機，並唔係分單雙數樓層，趕時間又飛lift時，都係要行樓梯。
text/Joyce
photo/HKET圖片庫
========
同場加映
【蝸居睇樓團】專業驗樓主任教路！新樓檢收5大必驗位，立即睇：
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
