租屋發現冷氣機壞咗 業主淨係肯畀200蚊修理費 租客可以點做!?

2022.06.07

喺香港,租客同業主之間嘅糾紛可以話隨處可見,而最近又有新一單新鮮滾熱辣嘅。有網民喺Facebook上嘅物業群組中發帖尋求意見,表示租新屋入住兩個月後發現屋內用咗8年以上嘅冷氣機壞咗,然後要求業主去處理,但業主竟然話租約冇包到冷氣機,仲話淨係畀$200叫帖主處理,令帖主相當無奈,事件引起各網民熱烈討論:究竟屋內嘅電器壞咗係邊方面嘅責任?而租客係咁嘅情況下又可以點做?

睇清楚租約有無寫明維修或更換冷氣責任誰屬
事情是咁的:帖主入住新屋2個月,直到最近發現屋內有一部用咗8年以上嘅冷氣機壞咗,便聯絡業主要求跟進,而業主一開始則回應租約並沒有包冷氣,只是答應會畀$200讓帖主自行處理,最後經商討後業主才答應搵維修師傅去跟進,而費用則要$500,並要求帖主支付一半費用,但帖主則對維修使用過8年以上的冷氣機有感疑惑:「咁有冇保養?如果下次再壞係唔係又一人一半包整好?」

而帖主在其後更上載租約,網民發現租約是有寫包三部冷氣機,唯並未有列明電器如需維修或更換是屬於租客還是業主責任:「無寫明包維修及更換,所以好灰色」、「地產啲租約都係唔寫清楚啲電器邊個維修,唔知係咪特登」,有不少網民認為是屬於業主的責任:「一向係業主包,係租到扣」、「有寫3部冷氣,即係業主有義務要處理」、「你份約寫到明有三部冷氣潛規則就係自然損耗壞左業主(要)負責」、「業主有責任包全屋損耗品,細如燈泡,大如冷氣,熱水爐。你照keep單,扣錢」

眾回應當中亦有少數聲音支持業主:「點解咁多人話業主衰,住左2個月就壞,問下自己有無錫住用先」,但隨即引來反駁:「我好奇點樣叫錫住用?冷氣就係開同關,唔通會得閒打佢兩下?」、「部冷氣用咗三手8年以上我都想知點錫住用」,亦有人表示曾與業主在維修費用上對分:「我之前換過,同房東一人一半,搬屋歸佢」

由於租約上冇清楚列明業主包維修或更換電器,有網民就覺得當中存在灰色地帶。

有網民認為租約有寫包冷氣機,維修或更換的責任就屬業主一方。

業主企硬唔整  搬走時拆晒啲電器報復!?
對於業主嘅行為,有不少網民都睇唔過眼:「千幾二千蚊部冷氣換一換有問題咩,業主咁鬼孤寒,就算個客唔租,下手你都係要換咖啦」、「無包冷氣都講得出, 咁CHEAP唔好租啦」、「垃圾業主幾千蚊既野用到黃都唔換」,但若果業主企硬唔負責的話,租客又可以做啲咩呢?有網民就建議帖主先自行更換冷氣機:「佢唔換,你都要自己暗錢換左先,唔係7,8月點捱。留起張單,到搬走果時再同佢理論啦!」、「冇包咪自己換,走再裝番部壞既比佢」、「真係唔肯整,自己買部移動式冷氣機,搬時拎返走,都唔好幫佢整」,亦有網民主張採用報復式方法:「佢既然咁講,咁睇返合約冇寫包乜嘢,搬走嘅時候拆走曬佢」、「拆曬佢,變清水樓畀翻業主」、「佢做初一,我直頭唔交租!」

若業主堅持唔負責的話,網民則建議帖主應先自行更換,但切記不要將新冷氣機留下給業主。

亦有網民主張採用唔交租及以清水樓交還業主等報復式方法。

text/Jonathan
photo/HKET圖片庫

========

同場加映

【蝸居睇樓團】半山1,600呎望深水灣靚景豪宅!酒店級雲石浴室+美國胡桃原木吧台+水泥波浪天花

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章