Daiso真係個法寶袋嚟，好多創意、實用家品都可以喺嗰度搵到。今次精挑細選咗8件超實用家品，唔睇都唔知原來有咁多家品可以免卻咗好多不必要嘅步驟，令生活變得更輕鬆，即刻睇下有啲咩！
2 Way支架自拍燈係屋企拍攝嘅好幫手 5,000 韓圜（約 30 港元）
同一時間支撐手機同打燈，喺屋企拍煮食Vlog、全家福、食物打卡相都好好用。加上三個模式嘅燈光變化，令人像同食物都上鏡啲！
呢隻肥肥白白嘅公雞究竟係咩嚟㗎呢？4,900 韓圜（約 30 港元）
呢個「咯咯蒸蛋器」名副其實係一個蒸雞蛋用工具。除咗可愛造型，佢仲可以無火蒸蛋。將雞蛋放好，倒入水，最後放入微波爐叮7-8 分鐘，就有熱辣辣嘅全熟雞蛋食。如果想食半熟叮5分鐘就得，的確好方便！
望下自己嘅工作枱面，電線係咪好亂、打晒結呢？有咗呢個電線整理器就唔洗煩喇！仲要係少有嘅樹葉形狀，幾可愛！1,000 韓圜（約 6 港元）
一塊「樹葉」可以放好兩條電線插頭。樹葉底嘅貼紙係雙面膠紙，令樹葉輕易黏實枱面。
除咗綠色，仲有粉紅色嘅選擇。
呢枝原子筆大細嘅精潔棒可隨身攜帶，食嘢時衣物唔小心佔到醬汁都可以即時去污急救，唔洗再驚衫上嘅醬汁留底，呢個神器真係論盡士必備！1,500 韓圜（約 9 港元）
屋企有養毛孩都知毛孩出街之後可能會帶埋可怕嘅塵蟎返屋企，又或床上多毛公仔，又無適時打理好。呢個去塵蟎墊打開有2張，將佢放喺床單下、毛孩嘅床墊下，就可以輕鬆驅除害蟲，平平哋買嚟試下都好喎。1,000 韓圜（約 6 港元）
相信每個人身邊都有個朋友唔係唔鍾意食蝦，只係唔鍾意食剝蝦殼。有咗呢個剝蝦殼神器，就可以放肆食蝦喇！1,000 韓圜（約 6 港元）
如圖示一樣，唔洗幾秒就可以輕鬆剝殼，好正啊！
呢個新出嘅防曬面罩望落好搞笑，但可能係女士夏天恩物。3,000 韓圜（約 18 港元）
防UV外層，底層貼面係凝膠質地，有降溫效果，仲加入咗甘橘同玫瑰卒取物，達至美白效果。日日戴住出街，呢個夏天就可以同陽光玩遊戲喇！
廚房、廁所嘅隙縫最多細菌堆積，好容易出霉菌。只要倒入清潔液，按壓泵頭就會慢慢出泡，加上刷頭幫助就可以輕鬆，唔洗濕手都清潔到難抹嘅地方，家居必備！2,000 韓圜（約 12 港元）
text/serena
source/https://shop.daiso.co.kr/mobile_new/main/index.do）
========
同場加映
【蝸居睇樓團】上門睇風水！龍師傅帶睇九龍城47年舊樓旺氣不再？鏡對睡床影響情緒+屋企太暗多病痛
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
