家庭糾紛，邊個家庭無？不過有啲真係搞到家人變仇人，好想從此一刀兩斷……有住公屋嘅網民就喺連登討論區，分享自己同細佬炒大鑊，已經到達細佬將佢嘅物品掉晒出門口嘅地步……樓主好唔想再同細佬同一屋簷下，問大家究竟可唔可以申請分戶，網民不單畀咗好多有關意見，仲令到樓主搵到新嘅人生曙光，完美解決呢個家庭糾紛兼住屋問題㖭！
鬧吓交就可以分戶？係咪諗多咗！
情況係咁樣：住公屋嘅樓主，自稱有個「由處事思維到個人衛生，都無辦法同到佢夾……煩到無得再煩嘅細佬」，樓主去年試過同細佬炒大鑊，細佬將樓主嘅物品掉晒出門口，自從樓主就再無返過屋企！樓主當時已經諗過同家人「分戶」，但由於母親未夠60歲，驚會影響到佢；二來樓主個人入息已經過咗公屋上限，加上唔知要具備乜嘢條件先可以「分戶」，所以就開帖詢問網民意見。
但網民聽到樓主想「分戶」，都覺得樓主單方面「諗多咗」：「話分就分，咁個個一早做咗喇！」、「鬧吓交就可以分戶……幻想太多！」、「分戶，一分二、二分四、四分八，發達！」，即刻有網民回應：「以前咪俾人濫用，扮吓嘈交報埋警之後話要分戶！」
樓主去年同細佬炒大鑊，已經搬離原址但想分戶，不過網民就話只係鬧交，不足以構成分戶條件。
拎把刀斬到佢見血，就證明到關係差
亦有網民表示朋友有成功「分戶」經驗：「我有個frd佢分到！不過佢係俾人收樓，再講同老豆會互相拎刀斬，結果最後分咗！」，網民即刻插嘴：「搵社工、見報、上東張西望，不嬲都係特快通道」。有人建議樓主如果想證明同細佬關係差，可以：「拎把刀斬到佢見血就證明到」，但樓主即刻話：「咁我到時都唔使要屋了，去到赤柱到時有得食有得住！」，
網民結論：樓主真係唔使諗「分戶」：「無得分戶㗎！就算家暴/離婚都無得分㗎！你一去申請佢會叫你除名，然後慢慢排隊由頭申請，如果你過咗入息上限，佢就更加會叫你自己租屋住，你咁高入息根本無資格申請公屋，朋友試過家暴入院報警見社工，然後得出以上答案。」
有網民話朋友成功分戶，但事實係發展到同老豆會互相拎刀斬！
網民話樓主嘅情況，即使去到見房署職員或社工，應該都只會被勸諭搬出去住。
同阿媽用白表抽居屋 公屋留畀細佬？
有網民就覺得，樓主諗「分戶」，其實反而係益咗細佬：「無得分㗎你估離婚咩！自己重新排隊啦！不過你走咗就會益咗個細佬！」，「你細佬就係想你自己除名！」。
於是樓主諗諗吓，就覺得不如同阿媽去抽居屋：「我同老母講不如拎間屋俾我抽居屋，佢知細佬照顧唔到佢，但佢猶豫緊！」，網民提醒樓主抽居屋要落全家人嘅名，仲提議：「唯一方法係你同你老母2個抽居屋，抽中你哋兩個搬走，間屋留俾佢！」，樓主反問：「抽居屋唔係要交間公屋出嚟咩？定老母過咗60歲就唔使交？」，網民溫提樓主如果用白表就唔使，樓主好似見到人生曙光：「係喎！我完全唔醒起白表！多咗老母都易中少少，感謝巴打！」，
其實以樓主嘅清況，網民建議可以同母親用白表以「家有長者優先選樓計劃」抽居屋，間公屋單位留畀細佬，算係最完滿解決問題嘅方法。
text/Joyce
photo/HKET圖片庫
========
同場加映
【蝸居睇樓團】師傅話你知！新居入伙前拜四角宜忌 +四類人忌拜祭
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
