香港地大部分女性都係working mama，工人姐姐都真係好重要，要搵個廚藝好、清潔打掃企理兼湊小朋友細心嘅姐姐，已經唔容易，好多時甚至遇上啲姐姐，性格或者行為古怪，真係好激心同擔心！有網民就喺親子王國討論區發帖，話自己個姐姐，半夜兩點都唔返屋企！好心急咁請教網民可以點做，大家有乜嘢意見呢？
其實九點都好夜！冇咩正經嘢可以做了……
樓主話工人姐姐之前已經試過12點幾先返屋企，然後同過佢講，每晚最遲11點要返屋企，而姐姐亦答應咗……點知今次，原來姐姐最後係半夜四點先返到屋企……樓主認為：「我覺得佢簡直挑戰緊我底線！」，難怪好心急要發帖問大家點做！
網民都覺得姐姐咁夜返，好過份：「其實九點都好夜！冇咩正經嘢可以做了。上一個姐姐九時後返，問佢點解， 佢話只係在屋苑公園陪姊妹打牙較，姊妹唔想咁早歸。而家依個仲8時就返到，咁夜去蒲吧！」、「11點已經好晏，如果佢平時星期日無做嘢，星期六晚11點至星期日晚11點，已經放假24小時」、「有無同agent 講？有畀鎖匙佢嗎？whatsapp佢講多次佢又遲咗返家，提醒佢以後都要夜晚11點前返，一係要佢簽到出warning，睇下你哋本身關係點……」
樓主試過叫姐姐最遲11點要返，姐姐當時亦應承咗，但點知愈嚟愈夜返……
有網民認為姐姐9點返都已經算夜，而且周六11pm至周日11pm，姐姐已經放假放足24小時。
唔好出聲，同步請另一個啦！
有網民就覺得係工人姐姐睇死樓主唔會炒魷魚，先會咁離譜：「不如你同佢講明幾點要返，遲咗冇合理原因就出warning letter，之後炒佢，我覺得佢應該睇死你唔會炒佢先咁過份！」，樓主訴苦水：「其實我講咗好多次……佢平均一個月一次，之前最遲都試過1am，今次真係過分咗……但而家請工人要等五個月……」。網民就建議樓主搵定新外傭，到時再炒而家個姐姐：「既然佢咁多煩惱，你都唔好阻住佢……唔好出聲，同步請另一個啦！海外都好，忍多幾個月，起碼搞掂現在屋企……新人到埗嘅時候即炒！畀一個月通知」。
網民認為應該要出warning letter畀姐姐，而且應該靜靜雞搵定新外傭，到埗就炒咗而家嗰個。
佢大肚或有性病，就仲慘過無工人用！
不過網民嘅終極擔心，係姐姐喺出面做「兼職」：「呢啲鐘數先返，好大機會係去咗做另類兼職……」、但終極「災難」，應該係姐姐畀人搞大個肚：「其實佢做咩要咁夜先返？我朋友之前個工人又係每個月一兩晚半夜，甚至第日早上先返，朋友想忍到佢完約……結果完約前，個工人大肚！結果洗咗大筆錢威迫利誘，先請到個工人返菲律賓生！之後，怕咗，寧願辭工，都唔再請工人！如果工人唔正經，留多佢一日，都多一日風險！」、「因為她好清楚你唔會炒佢，佢就愈來愈遲愈大膽。小心佢咁夜是做X！佢大肚或有性病，就仲慘過無工人用！」
有網民擔心姐姐咁夜返，會唔會係有另類兼職……
亦有網民話朋友試過外傭姐姐經常夜返，結果大咗肚！最後要畀大筆錢個工人返菲律賓生仔。
text/Joyce
photo/HKET圖片庫
========
同場加映
【蝸居睇樓團】半山1,600呎望深水灣靚景豪宅！酒店級雲石浴室+美國胡桃原木吧台+水泥波浪天花
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
