李佳芯自爆曾對已婚型男視帝拍劇有撻着感覺 幾乎戲假情真:「如果佢未結婚,真係會中」

2022.06.07

女神級視后李佳芯(Ali)的感情狀況向來備受大眾關心,日前Ali作客由楊詩敏(蝦頭)及連詩雅(Shiga)主持的網台節目《絲打圍爐》,就大談男女之間「最易撻着的情景」,當中更首度剖白自己曾經一度戲假情真,在拍劇與一位型男視帝演對手戲時有類似情況,更直言「如果佢未結婚,真係會中」。

被問到是否容易被「撻着」,李佳芯就坦承以前小時候較容易被「撻着」,「唔知係咪演員底,演員啲感情好容易流出去,細個唔識控制,流咗出去收唔返…而家大個咗,就開始識得控制情緒,嗰啲假嘅、表面表面」,年紀成熟後就懂得區分戲內外的分別。

談到在演對手戲時被「撻着」的情況,李佳芯就直言作為演員一旦投入角色,在那段時間就會投放真感情去演繹,加上長時間朝夕相對…真係會容易喜歡對方,會懷疑自己是不是喜歡對方,並會感到迷失。

Ali更坦言曾有遇上類似情況,而對象就是已多次合作拍劇的陳豪,由第一套的《潮流教主》內角色敵對關係,到第二套《誇世代》因為演情侶而開始熟絡,及後還有《殺手》、《愛美麗狂想曲》,一共四次的合作。

Ali大讚陳豪「真係一個好Nice嘅人,無論戲內戲外都好照顧,亦是一個好爸爸、好老公」,更大爆陳豪在拍劇的空檔時又會晚晚與老婆陳茵媺視像通話,冧住讚「好sweet,會覺得呢個男人好到,做老公一流,會有種『呢種男人去邊度搵』嘅感覺」。Ali還大膽作假設:「去到《誇世代》同《殺手》之間,有一刻真係覺得『嘩!呢個男人』,如果我早幾年入行、如果佢未結婚,真係會中,因為佢真係一個太好嘅男人」。

 

圖及來源:節目截圖、劇集截圖

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章