屋企畀市建局睇中要收購 有冇得唔賣?收購價有冇得傾吓?

文: U Magazine
2022.06.10

香港每年都有唔少舊樓被收購重建,多數收購嘅個案都係由私人地產商參與,但當中亦有隸屬於政府嘅市區重建局,但若遇上市建局要收購屋企單位時,業主可唔可以唔賣呢?而收購價又會同私人地產商有咩分別?最近就有網民喺連登討論區上表示自己屋企畀市建局睇中要收購,滿肚疑問希望能得到網民幫手解答。

係咪無得唔賣比市建局?有無得傾吓價錢?
樓主在收到市建局通知要收購屋企單位後,便向網民提出一系列嘅疑問:「係咪睇中左佢只會開個價畀你,你唔yes就會強拍?」、「有無得好似私人財團咁傾吓價?」、「係咪無得唔賣畀佢?有無人真係可以樓換樓?定個個大屋換細屋?」、「佢個收購價係點計出嚟?」、「如果我買咗唔夠2年,畀佢收購,我畀政府罰稅咁點算,邊個食?」、「我係會收購前破咗產又會點?」

而一眾網民都非常熱心,逐一去解答樓主嘅疑問,而多數嘅答案都係表示市建局嘅收購及所提出嘅條件都不能動搖:「政府睇中要收購,理得你超高價買入,政府收購(價)係7年同區樓齡,你唔賣咪等8成強拍」、「你可以唔賣,我唔敢擔保佢會唔會再比高D(嘅)OFFER...小市民其實係冇SAY,除非你成棟一齊做野既姐」、「樓換樓其實只係畀你有權買返煥然壹居或者之後起喺原址嘅單位,但要畀三成訂金仲要等佢起好,中途樓價都唔知會點又要搵地方住」、「市建局都有價講嘅話佢仲洗收嘅? 一定個個都話唔滿意,根(跟)住收樓收到2046先重建啦」、「你唔賣畀佢就等地政收地,但賠償會無當初offer咁豐厚,凍結人口登記前買就唔洗畀印花稅,破産就要問破產管理局畀唔畀你賣」。

有網民則表示樓主嘅單位若本來為自住的話,市建局所提出嘅收購條件其實很不錯:「收得你樓都五十年舊樓啦,自住物業有七年樓根本就超著數,中六合彩咁」、「佢收得,個價你實有so」、「肥過肥仔」、「認同,自住一定比市價多好多」,但亦有網民表示收購金額難以支付購買新樓盤:「以前住嗰度俾市建局收左,想住翻同區焗住要買50年唐樓,因為收購個價根本無可能買到新樓」。另外有網民認為樓主其實應向市建局查詢:「問市建局」、「有市建局唔問係到問連登仔」

網民表示市建局提出的收購價會以同區7年樓齡單位作參考,除了沒有議價嘅空間外,亦不能拒絕收購。

亦有網民認為單位畀市建局睇中要收購簡直好似中六合彩一樣。

市建局無強制拍賣  會直接用《收回土地條例》收樓
當網民討論若樓主堅持唔將單位出售的話,市建局會跟私人地產商的做法一樣,將單位強制拍賣,但有「心水清」嘅網民則表示其實市建局不需將單位強制拍賣,而是會採用《收回土地條例》:「市建局無強拍,用嘅係更屈機嘅土地收回條例」、「市建局收樓用另一條例收樓,理論上唔夠8成都可以強行收你單位,惡過玄牛(意指某地產商)」,有網民隨即呼應:「終於有個真係識,市建走去強拍,比財團拍x走,市建咪唔洗做?」、「冇強拍!冇強拍!私人發展商先會強拍,市建局係會直接收地」

另外有網民就問《收回土地條例》是否只可用作公共用途,而得到嘅答覆為並不是:「當然唔係,其實香港d土地全部屬於政府,你所謂買地都係買使用權,你都要交地租」、「只要係(市區重建局)局長收嘅地,都叫做作公共用途」、「urban renewal(市區重建)係當公共用途,佢屈機㗎,所以咪比人x公共用途收地但起豪宅」

網民表示市建局可以用《收回土地條例》將單位強制收購。

有網民認為《收回土地條例》過於霸道,令市建局仲惡過地產商。

資料補充:咩係《收回土地條例》?
《收回土地條例》列明每當行政長官會同行政會議決定須收回任何土地作公共用途時,行政長官可根據本條例命令收回該土地。當中亦包括衞生情況欠佳的物業、會造成或導致其他建築物的狀況不適合人居住或危害或損害健康的物業及與香港駐軍有關的任何用途。

政府可根據《收回土地條例》將物業/土地強制收回以作公共用途。

text/Jonathan
photo/HKET圖片庫
========
同場加映
【蝸居睇樓團】半山1,600呎望深水灣靚景豪宅!酒店級雲石浴室+美國胡桃原木吧台+水泥波浪天花

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓